လေပြေညှင်းလေးတိုးဝှေ့ခဲ့သောအချစ်ပန်း - ၂၆
ခါတိုင်းထက်ပိုပြီး စောစောနိုးနေတာက ပျော်ရွှင်မှုကြောင့်ဖြစ်သည်။
မနက်စာကို သားလေးနဲ့ အချစ်ပန်းအတွက်သေချာလေးပြင်ဆင်ထားလိုက်လေ၏။
ပျော်ရွှင်နေတော့ စိတ်လိုလက်ရဖြစ်ကာ ပန်းအိုးထိုးချင်လာတာမို့ youtubeကနေ ပန်းအိုးအလှထိုးနည်းတွေ ကြည့်ရင်းလိုက်ထိုးကြည့်လိုက်သည်။ ဧည့်ခန်းကစားပွဲအတွက် ရေမွှေးနှင်းဆီအဝါနဲ့အဖြူကို ရောစပ်ပြီး ပန်းအိုးတစ်လုံးထိုးပြီးနောက် ထမင်းစားစားပွဲအတွက်ပါ ပြင်ဆင်ချင်တာမို့ အွန်လိုင်းကနေ ပန်းတွေထပ်မှာလိုက်ဖို့ ရွေးနေ၏။
" မောနီး ပါး "
" မောနီး မိုင်ဆမ်း (my son) "
ဖုန်းကိုကြည့်နေရင်း သူဆိုလိုက်တာမို့ စူစူလေးလည်း သူ့ပါပါးအနားသွားလိုက်တော့ ပန်းတွေရွေးနေသည့် သူ့ကို အံအံဩဩကြည့်ရင်း
" မားအတွက် မှာမလို့လား"
" အွန်း ဟုတ်သားပဲ မားကို ဂုဏ်ပြုဖို့ပန်းစည်းဝယ်ရမယ် ကြည့်စမ်း မေ့နေလိုက်တာ ဂုဏ်ပြုပွဲလေးလည်းလုပ်ရဦးမှာပဲ"
" မားကို ဘာလို့ဂုဏ်ပြုမှာလဲ ပါး"
သားလေး မေးလိုက်မှ ကြည့်နေတဲ့ဖုန်းကိုစားပွဲပေါ်အသာချလိုက်ပြီး သူ့ဘေးမတ်တပ်ရပ်နေသည့် သားလေးကိုလက်ကိုဆွဲလိုက်ပြီး သူ့ဘေးအနားထိုင်စေလိုက်ပြီး
" စူစူလေးက သားကြီးဖြစ်တော့မှာ"
စူစူလေးက ဉာဏ်ကောင်းတာမို့ တန်းသိလိုက်ကာ
" မားဗိုက်ထဲမှာ ကလေးလေးရှိနေတာပေါ့"
" ဟုတ်တယ် ၂ယောက်တောင်"
" ဗျာ တကယ်လား ပါ'"
သူအကြီးကြီး ပြုံးလိုက်ကာ
" တကယ်ပေါ့ကွာ"
" အဲ့တာဆို မားကို သားလည်းဂုဏ်ပြုဖို့ လုပ်လိုက်ဦးမယ်ပါး"
သားလေးက သူ့ကို ပြောပြီးပြီးချင်း အိပ်ခန်းထဲ တန်းဝင်ပြေးတော့လေသည်။
YOU ARE READING
လေပြေညှင်းလေးတိုးဝှေ့ခဲ့သော အချစ်ပန်း
Fanfictionဆင်းရဲတဲ့ဘဝကနေ ရုန်းထွက်ချင်လို့ မော်ဒယ်လ် ဖြစ်ဖို့ ကြိုးစားနေတဲ့ "လာဗန်ဒါ " ခေါ် "အချစ်ပန်း" ဆိုတဲ့ ကောင်မလေးနဲ့ အသဲနှလုံးမရှိသူ အကျိုးအမြတ်ပဲတွက်သူလို့ အမည်ကျော်တဲ့ The Universe လုပ်ငန်းစုရဲ့ ဒုဥက္ကဌ " အနန္တ" အကျိုးအမြတ်ပဲ ကြည့်တတ်တဲ့ နောက်ခံမတူ...
