လေပြေညှင်းလေးတိုးဝှေ့ခဲ့သောအချစ်ပန်း - ၂၁
နံနက်စာဝိုင်းလေးက ခါတိုင်းနဲ့မတူနည်းနည်းတိတ်ဆိတ်နေသည်။
အချစ်ပန်းက နာရီတကြည့်ကြည့် ဖုန်းတကြည့်ကြည့်ဖြစ်နေသလို
အနန္တနဲ့ စူစူလေးကလည်း အချစ်ပန်းရဲ့ ဂနာမငြိမ်ဖြစ်နေတဲ့ပုံကိုကြည့်ရင်းပဲ တိတ်တိတ်ဆိတ်ဆိတ်ပဲစားနေကြသည်။
အနန္တကတော့ သူ့လုပ်ရပ်က လွန်သွားပြီး အချစ်ပန်းကိုဝမ်းနည်းသွားစေမိပြီလားလို့ ရင်ထဲနည်းနည်းတော့ စိုးထိတ်သွားသည်။ စောင့်ကြည့်ဖို့လွှတ်လိုက်တဲ့သူတွေကလည်း စိတ်ချရပါ့မလားလို့ တွေးပူမိပြန်သည်။
ညကထိတော့ စောင့်ကြည့်ခိုင်းထားတဲ့ကားတွေဆီက အဆက်အသွယ်ရသည်။
ဒီမနက်တော့ဘာမှ အဆက်အသွယ်မရ။ စိတ်ပူနေစဉ်မှာပဲ နောင်ရိုးဆီက မတ်ဆေ့ဝင်လာသည်။
" သုခအိမ်တို့ဆီသွားနေပြီ" ထိုစာကိုမြင်မှပဲ စိတ်ပူတာနည်းနည်းလျော့သွားသည်။
မနက်စာကို တို့ကနန်းဆိတ်ကနန်းစားနေတဲ့ အချစ်ပန်းကိုလည်း လှမ်းကြည့်လိုက်ရင်း
" အချစ် ထည့်စားလေ။ အရမ်းကြီးစိတ်မပူပါနဲ့၊ မိုးသွန်း အဆင်ပြေမှာပါ"
သူ့ကိုလည်းလှမ်းမကြည့်ပဲ ဖုန်းကိုတခေါက်ပြန်ကြည့်နေပြန်သည်။
ထိုစဉ်ဖုန်းဝင်လာတော့ သူမအလောတကြီးကိုင်လိုက်ကာ
" မမ မမဘယ်ရောက်နေတာလဲ စိတ်ပူနေတာ"
"......................"
" ဟုတ်လား အဲ့တာဆို ညီမလေးလာခဲ့ရမလား"
"......................."
" မမတစ်ယောက်ထဲအဆင်ပြေပါ့မလား"
"................."
" ဟုတ်"
သူမဖုန်းချလိုက်တော့ စူစူနဲ့ဟိုလူက သူမကိုစူးစမ်းလိုစိတ်နဲ့ကြည့်နေကြသည်။
" မိုးသွန်းဆီကလား ဘာတဲ့လဲ"
" ကိုသုခအိမ်တို့အိမ်မှာလို့ပြောတယ် ခု ကိုသုခအမေက ယူကြဖို့တိုက်တွန်းနေတာတဲ့ မမကိုလည်း နောက်အပတ်ထဲ ပြန်အိပ်မယ် ခုတော့ အဲ့အိမ်မှာပဲနေရမယ်လို့ပြောတယ်တဲ့ မမတော့ စိတ်ဆင်းရဲနေပြီလားမသိဘူး။ အချစ်ပန်းကြတော့လဲ အုပ်ထိန်းသူအနေနဲ့သွားလို့မရတော့ ဘယ်လိုလုပ်ရမလဲမသိတော့ဘူး"
YOU ARE READING
လေပြေညှင်းလေးတိုးဝှေ့ခဲ့သော အချစ်ပန်း
Fanfictionဆင်းရဲတဲ့ဘဝကနေ ရုန်းထွက်ချင်လို့ မော်ဒယ်လ် ဖြစ်ဖို့ ကြိုးစားနေတဲ့ "လာဗန်ဒါ " ခေါ် "အချစ်ပန်း" ဆိုတဲ့ ကောင်မလေးနဲ့ အသဲနှလုံးမရှိသူ အကျိုးအမြတ်ပဲတွက်သူလို့ အမည်ကျော်တဲ့ The Universe လုပ်ငန်းစုရဲ့ ဒုဥက္ကဌ " အနန္တ" အကျိုးအမြတ်ပဲ ကြည့်တတ်တဲ့ နောက်ခံမတူ...
