~ស្រោមមុខខ្មៅ Black Face Mask 🎭[ End ]SS1

ប្រយ័ត្នEp3

អក្ខរាវិរុទ្ធខ្លះអាចនឹងខុសចឹងសុំអធ្យាស្រ័យផងព្រោះមិនបានអានឬកែឡើងវិញ។
អានហើយជួយ vote ផង បើមិនចឹងទេមីនងរហើយ!! ហើយឈប់សរសេររឿងអោយយកម៉ង🙃

______________________________________

+យប់ឡើងនៅក្នុងក្លិប

នាយកម្លោះជេមកំពុងតែត្រៀមសម្លៀកបំពាក់ដើម្បីឡើងសម្ដែងរបាំចិនម្ដងទៀត នាយបានយក
កបាំងមុខយកមកពាក់មុនឡើងសម្ដែង

« ពេលនេះគឺដល់ម៉ោងយើងចាប់ផ្ដើមការសម្ដែងហើយ សូមបងប្អូនទស្សនាដោយក្ដីរីករាយ!!...ភាវ...ភាវ » ពិធីករបានបញ្ចប់សម្ដី នាយកម្លោះចាប់ផ្ដើមឡើងរាំតាមចង្វាក់ភ្លេងនាយពត់ដៃពត់ជើងថយក្រោយ លើកដៃជារង្វង់ទៅតាមចង្វាក់ភ្លេងដែលកំពុងតែលេង លេងបានបន្តិចនាយក្រឡេកមើលឃើញហ្វតកំពុងតែអង្គុយជិតនាយកម្លោះប៉នត្រូវជាមិត្តនាយយ៉ាងចិត្តស្និត។

វាធ្វើអោយនាយឆ្ងល់នឹងមានអារម្មណ៍ដូចត្រូវបាននរណាម្នាក់យកកាំបិតមកចាក់ត្រង់បេះដូងដែលស្ថិតនៅទ្រូងខាងឆ្វេង។

នាយកម្លោះសម្លឹងមើលហ្វតធ្វើអោយក្រសែរភ្នែករបស់ពួកគេទាំងពីរបានប៉ះគ្នា។

នាយកម្លោះជេមភ្លាត់ស្នៀតបន្តិច ស្ទើតែធ្វើអោយការសម្ដែងមិនបញ្ចប់ដោយភាពល្អឥតខ្ចោះ ប៉ុន្តែនាយកែសម្រួលស្ថានការណ៍មកវិញ នាយចាប់ផ្ដើមរាំតាមចង្វាក់ភ្លេងម្ដងទៀត។

ការសម្ដែងក៏ត្រូវបានបញ្ចប់ដោយភាពល្អឥតខ្ចោះ។នាយទទួលបានការទះដៃអប់អរសារទរពីអ្នកទស្សនានឹងអ្នកគាំទ្ររបស់នាយ បន្ទាប់ពីការសម្ដែងនាយដើរចុះទៅក្រោមឆាក នាយត្រូវបានមិត្តរបស់ខ្លួនដែលត្រូវជានាយកម្លោះភូវិនស្ទាក់សួរ

« អៃជេម!! មានឃើញអៃប៉នដែរទេ? »នាយកម្លោះសួរទៅកាន់មិត្តរបស់ខ្លួនប៉ុន្តែក៏ទទួលបានចម្លើយមកយ៉ាងឈ្លើយពីនាយ

« ប្រហែលវាកំពុងតែរកចំណីសុីនៅខាងមុខឆាកទេដឹង!! មើលទៅដូចស្និតស្នាលគ្នាទៀត »នាយនិយាយទាំងទម្លាក់ទឹកមុខចុះហើយក៏បានបញ្ចេញទឹកមុខកំណាចដូចជាខឹងនឹងនរណាម្នាក់មកអញ្ចឹងមើលទៅគួរអោយខ្លាច