~ស្រោមមុខខ្មៅ Black Face Mask 🎭[ End ]SS1

ចាកចេញEp4

អក្ខរាវិរុទ្ធខ្លះអាចនឹងខុសចឹងសុំអធ្យាស្រ័យផងព្រោះមិនបានអានឬកែឡើងវិញ។
អានហើយជួយ vote ផង បើមិនចឹងទេមីនងរហើយ!! ហើយឈប់សរសេររឿងអោយយកម៉ង🙃

______________________________________

+ខុនដូ

នាយដោះស្រោមមុខចេញរួចយកស្រាបួនប្រាំដបនោះយកមកផឹកយកៗលាយលំជាមួយនឹងភាពឈឺចាប់។

ផឹកអស់ពីរដបនាយចាប់ផ្ដើមស្រវឹងស្រឿងៗកែវភ្នែកសម្លឹងមើលទៅកញ្ចក់ក្បែរនោះ ផ្ដោតទៅលើស្នាមមួយដែលនៅក្បែរកែវភ្នែករបស់នាយ

« ហ្ហឹក...មនុស្សដែលអាក្រក់គឺបែបនេះមែនទេ? ស្នាមចង្រៃ ស្នាមបំផ្លាញ់ជីវិតយើង ស្នាមដែលធ្វើអោយយើងរងទុកគ្រប់យ៉ាង យើងនឹងសម្លាប់នាង! យើងនឹងយកអ្វីគ្រប់យ៉ាងត្រឡប់មកវិញ..ហ្ហឹក »

នាយកម្លោះជេមមីណាយ៍និយាយទាំងស្រវឹងស្រឿងក្នុងចិត្តចងគំនុំជាមួយមនុស្សស្រីម្នាក់ដែលបំផ្លាញ់ជីវិតរបស់នាយរួមទាំងបុរសម្នាក់ដែលឆក់យកបេះដូងរបស់នាយត្រឹមមួយយប់។

ផ្រួស...ក្ដុក..

នាយក្រវែងរបស់របរនៅលើតុចោលទាំងអស់ ដៃកាន់ដបអកស្រាផឹកបន្តទៀត។ បេះដូងត្រូវបានគេយកទៅលេងសើចជាច្រើនលើកច្រើនសារ។

នាយធ្លាប់គិតថាការដេកជាមួយមនុស្សម្នាក់វាអាចធ្វើអោយយើងមានស្នេហាមួយដែលមានការទទួលខុសលើគ្នាទៅវិញទៅមក ប៉ុន្តែមិនមែនទេ មនុស្សទាំងនោះតែងតែបោះបង់នាយបន្ទាប់ពីដេកជាមួយនាយរួច វាបណ្ដាលអោយនាយខឹងស្អប់នឹងឈានដល់ការសម្លាប់មនុស្សទាំងនោះទើបនាយមានឈ្មោះជាឃាតករស្រោមមុខ។

នាយមិនចង់ធ្វើនោះទេប៉ុន្តែនាយមិនអាចហាមឃាត់ខ្លួនឯងបាន។ នាយត្រូវការណាស់ ត្រូវការក្ដីស្រឡាញ់ត្រូវការភាពកក់ក្ដៅ ប៉ុន្តែនាយតែងតែទទួលបាននូវអ្វីដែលផ្ទុយពីនាយត្រូវការ នោះគឺការបោកប្រាស់ការលេងសើច។

ក្រសែរភ្នែកកំណាចនឹងកែវភ្នែកពណ៍ក្រហមដែលវាដូចជាឈាមសម្លឹងមើលទៅខ្លួនឯងក្នុងកញ្ចក់ដោយការហត់ខនឿយដែលខ្លួនត្រូវទទួលរងដោយការបោកប្រាស់យកខ្លួនប្រាណនឹងបេះដូងទៅលេងសើចពីអ្នកដទៃ។