ممحتاج لـ رسالة
البيها چم كلمة
اني احتاجلك انتة
فراگك تعب عيوني
واجاني العوض واتصور !
"لأن تعبان ما شفته"
الما گادر يعوفك حتى بالتفكير
شلون استوعبتها
الفكره من عفتة؟
_متابعة للحساب
_تصويت للقصة
_تعليق بين الفقرات
الكاتبة بنين أيتان
طيرة الأشهم
__________________________
روان:
عيوني تباوع ع خواتي الي محاوطاتني وطالعات ايه من الجمال
اليوم تحقق حلمي وصرت عروسة مرتضى فرحتي الي تمنيتها لجمانه اعرفها تمثل القوة بس داخلها حطام دعيت ربي يبرد گلبها ويعوضها
دخلت فرح لغرفه التبديل
فرح: يله يله روان الكل حاضر صار وقت الدخوليه
كومتني جمانه تعدل بالبدله
وكفت كبال الباب واني اشجع نفسي ومسكه الورد بيدي
خواتي الصغار ملك وفرح ورايه لازمات سلات ورد احمر
انفتح الباب واشتغلت اغنيه حسين الجسمي (ادخلي عمري بخطواتك اليمين )
الفرحه لامست روحي وگلبي خواتي وراي يطشن ورد صارت عيوني بعيون نورسين الي عيونها مدمعه وطالعه كسر ع الحاضرين بجمالها لابسه فستان سمائي بلون عيونها وامي تلكتني تصعدني ع الستيج وتردد المعوذتين
وبدت الاغاني والركص وخواتي ابدعن اجتي نورسين سحلتني اركص وياهن واني ماقصرت ماهتميت للعيون هي فرحه بالعمر
صرت بالنص وخواتي حواليه يركصن يوم ولا بالاحلام ماانسا طول عمري
شوف نورسين الي كل يوم تصدمنه بركصها
شدت وصله الليرات ع خصرها وبنيه بالقاعه نطته خناجر الكل يباوع مصدوم هاي شجاي تسوي
غيرت الاغنيه
ويلك يلي خذت الروح
صارت تمايل بجسمها وتحرك بالخناجر ع جسمها
كعدت ع ركبها وميلت ركبتها ليوره وتهز بشعرها وتحرك بالخناجر
وصارت تغني وي الاغنيه بصوت عالي
وتلعب بالخناجر
عيني الهجع بويه الهجع
وتضحك وناسيه عيون الناس
صارت تهز بخصرها وي قاع الاغنيه
وخواتي يصوفن الها
عايزها بس واحد يكيت فلوس عليها
كامت وتهز ركبتها وتطك اصبع ودخلن ملك وفرح وياها ع الواهس ولعبن لعب
جُمانة:
صافنه ع نورسين الي صفنت الكل بركص الهجع والخناجر
بشكل مشابه كانت مثل كاهنه الاله عشتار التي كانت تمارس رقص الهجع التي تتضمن هز الوركين والكتفين اضافه الئ شعرها تحركه يمنين ويسار بشكل عنيف حسيت بأعضائها راح تتفصخ
ثنت ركبتها حتئ تقترت من الارض نزل شعرها للكاع وبدت تميل تميل ركبتها وشعرها يفتر حواليها كأنو يركص ومنسجم وياها رجعت كامت تهز بخصرها والكل يباوعلها بذهول
لحد ما امي سحلتها وكعدتها تلهث وتهفي ع وجها:
جواهر:شني يمه فحطتينه صارلج شكد محرومة من الرگص؟
نورسين:سنين
جواهر:عمت عينج
