كبال المرايه اباوع بس أخاف
وجه مال كبار مو يم العمر
أقفل الغرفة واحط راسي وأضيع
أنوي أنام المغرب وأغفى الفجر .
الكاتبة بنين أيتان
طيرة الأشهم
لاتنسون التصويت والتعليق بين الفقرات
______________________
نورسين:
دخلت سبحت وصليت ونزلت
اثناء ماريد ادخل للمطبخ
واشوف بابا وجهه احمر وعيونه تجدح نارر شفت اجه ناحيتي
الياس:ولجج تنزلين راسي بالوحل يانورسين هاي جزات تعبي وشيبي
شهگت موسعه عيوني
لف شعري علئ ايده وشبعني راجديات احس نفسي نكطع وگلبي اوجعني حيل
مااحس غير ضربني رجدي حيل علئ اثرها نركع راسي بالحايط
وكعت حسيت عيوني غوشت وصوت صفير بأذني والدنيا سودت بعيوني غمضت وبعد مادري شصار
جمانة:
رجعت من دوامي وي دخلتي للبيت وصل حسن ويايه
حسن:ها جمانه ستوج اجيتي
:اي يروحي شلونك
حسن:الله يساعدج الحمدلله
:يعمري ويساعدك
وصلنه للحديقه جان نشوف بابا طلع من البيت يركض وشايل نورسين وخشمها ينزف ركضنه اله
جمانه:بابااا شبيها شبيها
حسن:اسم الله بنيتي شبيها يابه
الياس:راحت بنيتي راحت اركض افتحلي الباب حسننن موتت بنتي بيدي
ركض حسن واجه عاصم يركض وايده علئ عمليته
عاصم: شبيها ست نورسين
جمانه:مادري والله مادري
صعدو بالسياره واخذوها وانطلقوا وراهم سيارتين راحت
جمانه:عاصم خويه تكدر تاخذني وراهم الله يخليك
عاصم:من عيوني خيتي يله
جمانه:تمام بس اشوف ماما بسرعه
:انتضركم يله بسرعه خيتي
دخلت شفت ماما كاعده بالكاع وتنوح وحواليها ملك وفرح يبجن
جواهر:يمه بنتي راحت ليش يا الياس ليش
ها ولج جمانه شفتي ابوج من طلع
:-اي يروحي رايحه وراهم وي عاصم ليضل بالج
طلعت اركض وهي تصيح وراي
جواهر:ولج يمه جمانه طمنيني خابريني
:-اي اي
طلعت اركض لگيت عاصم منتظرني:
::يله اختي بسرعه
صعدنه وداس بانزين عاصم وكل سرعته متتت قهر علئ
حالها كلشي ولا يصيرلها شي ياربي
::خيتي شصار شبيها
