الدگيتهابصدري هضمتني
مخطوبة گالولي ونستني
يل خذت ولفي هواي غيره
عوفه وتعال اخذ العشيرة..
لاتنسون التصويت والتعليق بين الفقرات ومتابعة للحساب
الكاتبة بنين أيتان
طيرة الأشهم
_____________________
جمانة:
طلعت من الكلية فتحت عيوني بصدمة من شفت أحمد واگفلي باب الكلية
كلبي صار يدگ بسرعة
شجعت نفسي ورحت تقربت يمه:
_شتسوي هنا
_اجيت احجي وياج لان حضرتيني من كل البرامج
_هو هذا الصح والمفروض يصير ماكو شي نحجي
_بس اني عندي وراح تسمعيني، مرتي بعد مالي نفس بيها
واريد اطلگها يعني بحالتين انا مطلگها
واعرف انتِ تحبيني بس اني شفت هلشي متأخر
خلي نتزوج ونعيش احلى قصة حب
_اي وبنت العالم شنو ذنبها،،
انتو عادي عدكم مشاعر البنت تبجي تنقهر تنكسر اهم شي نفسكم
من كل عقلك اقبل ابني سعادتي ع تعاسة بنت ثانية
شنو عيني ماكو زلم بس انتَ
اطلعه گلبي الي يحبك وادوسه برجليه الي بيوم حب واحد مثلك عديم ضمير
_ماله داعي هذا الكلام معليج انتِ بيها تعيش واني ماقصر وياها
بس ماكدر اكمل وياها نفسي ماتتقبلها
نزلت شفتي السفلية وهزيت ايدي ماعاجبني كلامه
_والله يالله روح منا روح وبعد لاتشوفني خلقتك
حجيت هيج وعفته ومشيت
رجعت للبيت وضع نوعا ما تغير ومرتاحين شويه
رونه حامل وقربت ولادتها
نورسين تغيرت جذريا من عرفت هذا الشخص صارت حياتها عباره عن مروان وضحكتها ومزاجها متعمد ع كلمه منه
بيوم ولادة روان كلنا حضرنا نفسنه نروح وياها اجيت لنورسين السارحة بعالمها الوردي:
جمانه: يله نورسين ترحين ويانه
نورسين:لا مالي خلك روحو وطمنوني من تطلع روان من العمليات
جمانة: تمام خليل راح يضل يمج
نورسين:تمام
طلعنا من البيت فرحانين وروان الدينا ماواسعتها من الفرحة
دخلنه رونه العمليات وماما جانت حيل خايفه هي ومرتضئ
والحمدلله طلعت بسلامه وجابت ولد نفس القالب من ابو كد ماتحب رجلها طلع ابنها نفسه بالضبط وسمو حسين
ضلت يوم بالمستشفئ ورجعت ويانه فتره نفاسها
وبدت مشاكسات خليل وي حسوني وشلون تعلق بي يطب ويطلع يشيله مرت ايام هادئه
بس هذا الهدوء قبل العاصفه
نورسين:
خلصت العطلة
وبدأنا نداوم مرحله ثالثه وعلاقتي اني مروان مد وجزر صار مهمل ويأذيني بالكلام بس ماعفته وره حالته النفسيه وعذرته لان ضغط عليه ووكفت ويا وساعدته مادياً
خلصت اخر محاضره فتحت تلفوني شفت حسن متصل اتصلت عليه ماجاوب
رجعت من الدوام دخلت لبيتنه سمعت صوت صياح وتكسير زجاج
اني من الخوف احس گلبي راح يطلع من مكان
فتحت باب الاستقبال وياريت مافاتحته لكيت اخوي بلكاع بحضن امي يبجي ويصيح ووجهه صاير ازرك
وايده تجري دم
من شفته هيج وگعت من طولي بالارض رجليه بعد ماتحملني
زحفت زحف اله وحضنته خليت ايدي ع كلبه يرجف وجسمه يرجف
اردف وهو يبجي والغصة بلعومه :
حسن:الي كبرت كبال عيني راحت لغيري.
