طيرة الأشهم

part 39

الكاتبة بنين أيتان
طيرة الأشهم

نتعذر عن التأخير بسبب طول البارت وعوضناكم 7000 كلمة قراءة ممتعة

يأتيك عوض الله فجاءه فتضحك من نفسك وتقول
ياللهي.....كيف كنت ابكي علئ لم يكن يستحق البكاء كيف كنت احزن علئ فراق امور...كانت اسوء بكثير مما كنت اتخيل يأتيك عوض الله ليثبت لك.... ان الله دائما ما كان
يطمئنك بأشارات وعلامات وكنت انت مغمض العينين والقلب عنها ....

روان:-

من الله سبحانه وتعالئ ينطينه العوض راح ننسئ التعب والحزن راح ننسئ كلشي مرينه بي

الاقدار الي نريدهَا ممكن مراح تخلينَا نعيش سعداء او مثل ما نتخيل ، تأكد دائمًا اقدار اللٰه أجمَل ( لو عَـرضت الاقدار علىٰ الانسَان لأختار القدر الذي اختاره اللٰه لهَ ) احسنَوا الظن بَـ اقدار اللَٰه لنا فأنَ علمنا المحدود لا ينفع بشيءٍ امام علم اللٰه .

ساعه ب3:00 الفجر كاعده اقره دعاء البهاء ومرتضئ شايل علاوي يرضعه مميه ويسولف ويا كأنو يسولف وي شخص جبير مو طفل

مرتضئ:- وليداتي علاوي حبيب بابا ادري حضي شنو تضحك وي نورسينه وياي مطنگر

كملت ورفعت راسي اله اردفت بضحك

:- كون تسمعك نورسين

مرتضئ:- احسها مرت ابوي مو بت عمي نقمه وبلوه حتئ ابني معلقته بيها بت الاودام

:- خهههه تدري بيها تحب الجهال

نام بحضنه وخلئ بكاروكه واجه مدد خلئ راسه علئ رجليه

مرتضئ:- ادري بيها الاطفال يتعلقون بالاشخاص الانقياء والي گلوبهم نظيفه ف دائما تشوفين اشخاص محددين الجهال يلتجئون الهم ويكونون قريبين منهم ونورسينه مثال حي مو مجامله بس نورسين كلش حنينه وطيبه وتخاف عليكم ومتعلقه بيكم

:- صحيح صار الكل يعرفها بس خوفي عليها من طبعها هذا اذا تزوجت شلون

نهض وعدل كعدته لزم اديه اردف مبتسم

مرتضئ:- ماراح تكون بعيده عن اهلها طبعا

حجيت بأستغراب

:- شلون

مرتضئ:- نخطبها لاحمد من يطلع

فتحت عيووني بصدمه

:- انت شجاي تحجي مستحيل تقبل وبعدين شنو هو لعب مره تخطبون جمانه مره نورسين انسئ هسالفه مستحيل تصير

مرتضئ:- اعصابج حبيبتي شگلنه هسه

:- لا تجيب طاري الموضوع گبالها والله تزعل ومتجي بعد

مرتضئ:- اي عمي اي يا حجايه سدي لمكانج

باوعتله صفح وگمت

:- عفيه