ما اكلك بعد روحي
اني هاي الكلمه ضدها
اني احسبك قبل روحي !
شلون اكلك با بعدها ؟الكاتبة بنين أيتان
طيرة الأشهمحبايب گلبي نعتذر عن التأخير بسبب طول البارت لان نريد نخلص قبل المدارس ونختم هواي احداث فتحملونه قراءة ممتعة
______________________نورسين:
:- احبك ...مو بس بلساني نطقتها طلعت من اعماق گلبي واني اعنيها
گلبي نبض وفرشات صارت بداخلي احلئ شعور عشته بهاي اللحضه حجه بصوت واهناشهم:- اخخخ بويه عيديها بعد خرب.
:- احب..احبك اشهمي
نطقتها مره ثانيه وضميت روحي بصدره خجلانه من نظراته الي
:-أريد اضمچ بَروحي ،مِن روحَي
عصرني حيل بحضنه صرت اسمع دگات گلبه وگلبي سوه
حسيت نبضاتنه اختلطت وروحي وروحه ندمجت
حجيت متوتره وهو مستمر حاضني:-اشهم
- عيونه
:- هههه جعصتني
ابتعد عني يضحك ضحكت علئ ضحكته الخذت روحي
سحبني من ايدي كعد وكعدني علئ رجله دوم هاي الحركه يسويها من يجي الا بحضنه باوعلي بنظرات هايمه مركز بعيونياشهم:- أول محطة تهزني هيةة عيونج
ابتسمت بهدوء دنگت خافيه خجلي وتوتري
وهو مستمر بكلامه رفع راسي ومرر اصبعه الابهام علئ وجناتي واردفاشهم:- رادچ الله تِحلَوين بخدج خلة غمازه
باوعتله بخجل مندهشه من حجاياته الدافيه
:- منين تطلع ذني حجاياتك
يباوع لتفاصيل وجهي بهيام وترتني نظراته وحجه
اشهم;- من اعمق نقطه بگلبي ومااحس اي كلمه توصفج طيرتي
باوعت بعيونه ضليت صافنه واني مركزه بكل تفصيله بشكله شعره الاسود حواجبه المرفوعه عيونه الحاده لحيته الخفيفه اخر شي استقر نظري علئ ركبته وتفاحه ادم تصعد وتنزل بلع ريگه وحجه
اشهم:- نظراتج طيره
فزيت من صفنتي حجيت ببلاهه
:- ها
اشهم:- عيونج
:-شبيهن
اشهم:- بيهن سحر
مادري ليش ذكرت محمد السالم من كال لحبيبته عيونج بيهن زحر طكيتها بضحكه غصيت وعيوني دمعت وهو نهض خايف يفرك بضهري
اشهم:- يمعوده هههههه ولج شبيج
مسحت عيوني فاطسه من الضحك
:- اشهم خرب هههههه