أريدُك معي
في لحظات تهوري وطاقتي
وأريدك معي
حينَ هدوئي وانطفائي
فمن الضروري
أنْ تعرف شكل حياتي
وأن تبقى معي، و ليّ♥️
الكاتبة بنين أيتان
طيرة الأشهم
____________________
نورسين:-
سحبت السلاح بسررعه مانطو ردت فعل ماتوقعوا
ضربت واحد بحركه سريعه ضربت الثاني وهو هم ضرب وطفر السلاح من ايده
ركض حسن الهم سحب الاسلحه منهم
فززني صوت جمانه
جمانه:- حسسسن نورررسين حسسسنن
التفت حسن عليه فاتح عيوونه بصدمه
حسيت شي حار اخترق جسمي طحت علئ ركبي مو من الوجع من الصدمه
غوشت عيوني واسمع بس صدئ صوتهم اخر شي سمعته اسم اشهم...
جمانه:-
من صدمه الموقف تجحضت عيوني واني اشوف نورسين بحضن حسن نزلت ركضت وجسمي كله يرجف بجيت بخوف
:- حسسن بيدهااا بيدهاا موو
حسن:- اييي ولجج اهدي اهدي خابرت اشهم
:- شنووو اشهم شنوو ننتضره حسسن جاي تنزف كوووم
مارد عليه ضل ضاغط علئ ايدها يمنع النزف
حسن:- نورسسين خيييتي تسمعيني مابيج شي يروحي الطلقه بيدج نورسينه
حجت بصوت خافت ابتسمت بنص دموعها
نورسين:- لو طايحه بگلبي حسن ارتاح
اردف بغصه
حسن:- اششش مابيج شي بنيتي مابيج شي
ضل حاضنها وضاغط علئ ايدها اني رجليه بادت وكعدت بالكاع السيارات تروح وتجي ولا واحد عنده غيره ووگف
دقايق سياره اشهم شخطت يمنه ونزل يركض فاتح عيونه بصدمه تقرب يمنه مخلي ادي علئ راسه
اشهم:- كووم شيلها كووم
حسن:-راح حيلي يابويه
دنگ اشهم راد ياخذها منه
حسن:-لا لاااا اني اشيلهااا وخر
نهض شالها وخلاها بسياره اشهم
حسن:- اشهمم بسرعهه للمستشفئ راح اخذ ذوله النغوله بسررعه
اشهم:- اي اي روح
صعدت وره خليتها بحضني وحسن عفنا ورانه
مااحس السياره غير طارت وشارع عام وكلساع يتلفت علينه
صاح بصوت ضرب الاستيرن انخلست من الخوف
اشهم:-اخخخخخ يالله اخخخخخ
التفت عليه عيونه حمر
اشهم:- مفتحه عيوونهااا
:- لا فقدت الوعي
اشهم:- دخيلك ياربي دخيلك علي عايزه هييي عايزه
نزلت دموعي وهي بحضني تدمرت ملابسهاا دم
وصلنه للمستشفئ نزل اشهم اخذها من حضني ونزلت ورا
