أول مرة أريدَك يَـ الصدگ تنراد
يَـ الحضنك وَطن وسوالفك بغداد
الكاتبة بنين أيتان
طيرة الأشهم
"شبيه أيسر+عيون نورسين بنهاية البارت"
___________________
روان:-
احلئ لحضات عشناها بعرس نورسينه الكل فرحان الهاا
والكل حضر زواجهاا فعلا بكل شر ورا خير
حلو عوض ربي العالمين حلو لدرجه ينسينه مراره العشنا
ولو فتح الحجاز الي ما بينه وبين رب العالمين وشفنه شنو الي مضموم النه بعد كل كسره وكل حزن
ما بجينه ولا تذمرنه بس دائما الانسان علئ عجله من امره ومو صبور كلشي يريده بنفس الوقت
ثاني يوم زواجهم كاعدين كلنه سوه علئ نفس الطاوله اهلي واشهم وامه واخته واخوته الجبير والصغير وعيالي كلهم
عازمنه اشهم واصر كلنه نكعد نفس الطاوله نتريگ بمطعم يطل ع البحر جانت الاجواء تخبل حتئ ابن يضحك للهوه
وطول كعدتنه هو بحضن نورسين ماعافته واشهم يوكلها
ندستني جمانه بهمس
جمانه:- شوفي تحسيهم بعالم وحدهم ولا كأن موجودين وياهم هههه
:- لايگين لبعض كلش من ناحيه الشكل نعومه نورسين وخشونه اشهم طالعين تحفه
ومن ناحيه الروح والطيبه والحنيه ثنينهم بالمرتبه الاولئ
جمانه:- كون ربي يتمم فرحتهم بطفل
:- امين يارب الله يسمع منج
خلصنه وطلعنه بعدنه باب المطعم نورسين شايله ابني واشهم يمها واگف واخوته وراهم قيصر وامير
اجتي فرح تريد تاخذ علااوي منها
فرح:- نطينيا شويه كله بيدج
نورسين:- وليي عووفوا عندي اشبع منه لمن ترحون
نورسين عاندت وفرح الا تاخذه حجه امير يباوع لفرح
امير:- خيتي انطي الها راح تموت البت
اشهم باوع لنورسين غمزلها وضحك ماعرفت ع شنو
فرح استحت وصارت وره نورسين
صدك انطتها علاوي واجتي شايلته يمي وكفت
فرح:- شجلبت بس هي شايلته
:- ههه ولج خطيه عوفي عدها انتن يمه هي تريده تشبع منه
غندبت وقوست شفايفها بحزن ضحكت ع شكلها
:- هههههه يله عمي اسكتي مو بيدج هسه
صعدوا بابا وماما وحسن بتكسي وراحو وراهم خليل واسامه ورواء ضلينه اني وحوراء ومرتضئ وملك وفرح
وجمانه
وگف تكسي مرتضئ وصعدنه ضلت بس فرح واگفه
الا شويه تبجي ماكو مكان وتريد تصعد
فرح:- وانييي روان تعوفونيي
ردت اجاوبها حجه امير
امير:- لا يابه تعالي ويانه اصعدي
باوعتلي تريد تبجي
فرح:- وياج روان ماا وياج
حجه مرتضئ بضحك
مرتضئ:- فروحه وي اختج نورسين روحي
فرح:- ما مرتضئ وياكم
امير:- يابه ما ناكل بشر تعالي صعدي
