خذتها...
خذتها ومن خذتها الله الاحساس
احس بس هي يمس وخلصت الناس
الكاتبة بنين أيتان
طيرة الأشهم
______________________
نورسين:
حسيت بصاعقه هزت كل مشاعري واني اشوف كلامه ماجاوبته اديه ترجف وروحي ترجف وگلبي يرجف
نزلت دموعي علئ خدي احس دخلت بدوامه من الرجفه الي صابتني وكع التلفوون من ايدي
مادري بشنو احس مشااعري تخربطت شعور فرح بداخلي بس ماعرف مشااعري
غمضت عيوني حيل فرشت ذكرياتي ويا من عرفته لليوم كبال عيوني نعادت مشاهد تعارفنه كلامه اهتمامه خوفه لهفته كلشي صار گبالي
جان كلشي واضح جان واضح وياي بوضوح الشمس بس جنت ما منتبهه ضحكت بفرحه واني مغمضه فزيت ع صوت جمانه
فتحت عيوني كاعده كبالي وماحاسه بيها
جمانه:- يمعوده شبيج دموعج تجري ومبتسمه
دنگت راسي شلت موبايلي دخلت ع محادثته اقره بكلامه ونغزات بگلبي بس نغزات حلوه تقربت جمانه يمي تباوع للتلفون سحبته مني
التفت عليه شاهگه
جمانه:- يااااااي فددددوه ولججج والقرآن عرفته عزاا
وگفت تفتر فوك راسي فرحانه
جمانه:- شنوووو ليش مااجاوبتي لسه
كعدت كبالي لزمت ايدي
حجت بفرح وعيونها مدمعه
جمانه :- وافقي عليج الله وافقي ولج يحبج والله
ضحكت وجسمي يرجف :- انطيني مجال افكر ههههه
جمانه:- شنوو تفكرين ولج مايحتاج تفكرين شنو يسوي اكثر من السوا الج الرجال ساعدج وسندج انتشلج من حزنج بعد ماجنتي غرگانه وگفج ع حيلج صح احنه وياج بس اله الفضل بكلشي نورسين لا تضيعي وتضيعين نفسج
دنگت راسي متوتره
:- ماناكره هالشي بس خايفه
لزمت اديه حيل تفرك بيهن وتهدي بيه
جمانه:- من شنو خايفه احجيلي حبيبتي
:- خايفه اضلمه وياي خايفه مانطي مشاعر واهتمام مثل ما هوه جاي يسوي خايفه يتاذئ بسببي واني كلشي ولا انسان يتدمر وضميري يأنبني
جمانه:- وانتِ ليش تفكرين هيج نورسين صدكيني مثل ما گلج هو كلشي ينخلق بعد الزواج وبالمعاشره وبالمواقف راح تحبي ومتأكده وابصم بالعشره تحبي هسه بس ماتعرفين مشاعرج بسبب خوفج
سكتت ماجاوبتها صارت نغزات قويه بگلبي
حجت بهدوء ورفعت شعري عن عيوني
جمانه:- نورسينه خيتي ضوه عيوني مستحيل يجيج شخص مثل اشهم
ضحكت وكمللت
جمانه:- صح خبيث ويسد التلفون بوجهي هههه بس انسان خلوق ومثقف ودارس وشهم مستحيل تلگين شخص مثله بهذا الوكت الاغبر صعب نلگه شخص ابن اودام وعنده غيره الدنيا تغيرت
