اصعب مرحلة يمر بيها الانسان بالحياة؟
_الحب من طرف واحد طبعاً
ليا حد اضل ساكت وكتم بصدري
وحط نيت گدر للما عرف گدري
أصعد مرحلة يمر بيها الانسان
من يحب بشر والبشر مايدري💔
_متابعة للحساب
_تصويت للقصة
_تعليق بين الفقرات
الكاتبة بنين أيتان
طيرة الأشهم
____________________
نورسين:
نورسين:شنو حبيبي كول اسمعك
مروان:اوعديني متعوفيني
نورسين:وعد شرف مروان مااتخلئ عنك للموت بس احجي خوفتني
مروان:نورسين اني رجال مطلق وعندي 2 بنات
اني بهتت ملامحي وحسيت الدنيا سودت بوجهي
يعني كل هلوقت طلعت مخدوعة:
نورسين:مروان مو وقت شقاك تعبانه الله يخليك
مروان:ماتشاقه والله بس اريدج تفهميني خفت اخسرج اذا حجيت خفت تعوفيني
نورسين:جذب
مروان:مااجذب وداعتج هاي الحقيقه
نورسين:وليش هسه حجيت ليش لمن علقتني بيك مروان ليش جذبتوا عليه انت واختك يعني منك الغلط وخفت تحجي لو شنوووو ليش هيج تسوي هااا ليش ما وضحت هلشي من البدايه
مروان:اهدي حبيبتي فدوه اهدي والله مو من عندي السبب
دمرتني ودمرت صحتي دمرت اهلي وياي جانت تسويلي سحر لكيت فراشي كله اوراق ومدري شنوو وهي حجت بلسانها
غيرتني ع اهلي اكوم واكعد اصيح ع اهلي خلتني افقد عقلي
رجعتها للجامعه وصارت تطلع من الجامعه بدون متكلي
استمرينه سنتين وطلكنه وخلصت منها اذا تردين اشوفج ورقه الطلاق
نورسين: مروان كول تشاقه الله يخليك كول تشاقه بابا ميقبل تدري ميقبل هو يجون عزابيه لاختي ومايقبل شلون ماكان ماينطينه بسهوله
مروان:والله لو كلشي اسوي شيطلب اني حاضر ماعوفج والله بس لا تعوفيني
جان كلامه مثل الضربه ع الراس حيل توجع وهاي اول كسره وي مروان زعلت منه ايام بس ماكدرت ماتحملت سامحته وصرت اهون عليه ورجعت وگفت ويا وماعفته وتعلقت بي اكثر
جمانة:
تخرجت وكعدت فتحت شغلي الخاص بية
وايسر ماعافني بحالي صار يتردد للعياده يريد بس انطي فرصه واني قافله
-السلام عليكم
جمانه:عليكم السلا....ايسر شجابك لهنا
ايسر:مثل ضلج جماره گلبي لمن توافقين
جمانه:احمم بلا كلام ماله معنئ وانطيتك رفضي ياريت ما تتعرضلي بعد ابتعد عني
ايسر: ما راح امل وراح اضل احاول لحد ماتوافقين
بعد اصرار عليه وانا ارفض
طلع من العياده وضليت متفاجئه من كلامه
خليت راسي ع المكتب واني احاول اشتت افكاري وماافكر بشي غير مستقبلي ماريد اي رجال يدخل حياتي
فزيت من دوامه افكاري رنه جهازي من الوالد
جمانه:ها حبيبي بابا
الياس:وينج بنيتي لا تطلعين من العياده لمن يجيج الحارس
جمانه:خير بابا شكوو
الياس:كالعاده بنيتي تهديد ديربالج لا تطلعين
جمانه:اي بابا ان شاء الله
الياس:خليج بابا خلي الاتصال مفتوح لا تسدي
جمانه:اي بابا وياك خوفتني
الياس:لا تخافين بنيتي وياج اني
