​ကောင်းကင်မှာ ကြယ်​​တွေပဲ ​ကြွေတတ်သလား ( Ongoing )

!! 3 !!

​ဘုန်းခံ့ညားနှင့်​နေရဲထိုက်တို့ နှစ်​ယောက် မနက်စာ စား​သောက်ပြီး​နောက် ​နေရဲထိုက်၏ ပန်းဆိုင်က​လေးသို့ သွားရန် ပြင်ဆင်ကြသည် ။

အ​ပေါ်က ရှပ်အင်္ကျီက အဖြူအစင်းကို တံ​တောင်ဆစ်ထိ ​ခေါက်ထားပြီး ​အောက်ဘက်ကလည်း အညို​ရောင် စတိုင်ပန့်ဖြင့် ခန့်ညားလွန်းလှ​သော ဘုန်းခံ့ညားကို ​ငေး​နေရင်းဖြင့်

" ကိုကိုတို့များ​နော် မပြင်မဆင်ဘဲ​နေ​တာ​တောင်
​ချော​မော သန့်​နေတာပဲ
ရည်းစား​ဟောင်း​တွေ ​တွေ့ရင် ငိုကုန်ဦးမယ် "

အမူပိုပို​ပြောလိုက်ပုံ​လေးက တကယ် ချစ်စရာ​လေးပါ ။ ကျွန်​တော့်ကိုသာ ​ပြော​နေတာ သူကကျ စပို့ရှပ်အဝါ​ရောင်​လေးကို ​နေကြာပန်းစတစ်ကာ​လေးနှင့် အသားအရည်ဖြူဖြူ​လေးက ပို၍ ဝင်း​နေ​ပေသည် ။

" မနက်​စော​စော အရင်က ဟာ​တွေ မ​ပြော​တော့နဲ့ "

" တစ်ပတ်တစ်​ယောက်တွဲတဲ့ စံနှုန်းကို​တော့ တကယ် ​လေးစား .... "

က​လေးက ​ပြော​နေချိန် ဖုန်းဝင်လာ​သော​ကြောင့် ဘယ်သူ​ခေါ်လဲ မသိ​ပေမယ့် ​ကျေးဇူး​တွေ အကြီးကြီး တင်တယ် ။ အရင်က အ​ကြောင်း​တွေများ ​ပြောမယ်ဆို မပြီးနိုင်​အောင် ​ပြောတတ်တာ ။ ပြီးရင် တစ်ညလုံး ရစ်​တော့မှာ ။
ဟူး ... ။

က​လေးက ဖုန်း​ကိုင်လိုက်သည် ။ ပြီး​နောက် ကျွန်​တော်ရှိရာဘက် ​အပြုံး​လေးနဲ့ ပြေးလာသည် ။ ကမူးရှုးထိုး ​ပြေးလာ​သော ပုံ​ကြောင့် လဲမှာ ​ကြောက်သဖြင့် လက်နှစ်ဖက်ကို ​လေထဲတွင် တဆန့်ဆန့်ဖြင့် ရှိ​နေသည်က ကျွန်​တော် ။
အသည်းတုံး​လေး လဲလိုက်မှ ကျွန်​တော် ရင်ကျိုးရချည့် ။

သူကလည်း ကျွန်​တော့်လက်နှစ်ဖက်အတွင်း အံဝင်ခွင်ကျ ဝင်ခိုကာ

" ကိုကို ..ခွန်းယိမ်း ဆက်တာ ခွန်းယိမ်း "

​ခေါင်းငြိမ့်ကာ သိပြီဟူ​သော သ​ဘောလုပ်ပြလိုက်မှ ဖုန်းကို နား,နား​လေး ပြန်ကပ်ကာ

" ခွန်းယိမ်း .. ​နေ​ကောင်းလား
အဆင်​ပြေလား ... ဘာလိုလို့လဲ "

သူငယ်ချင်း​တွေအ​ပေါ် အထိမခံ​လောက်​အောင် ခင်တတ်တဲ့ က​လေးကို ပြပါဆို ကျွန်​တော့်က​လေး​လေးပင် ဖြစ်လိမ့်မည် ။ ဟိုဘက်က ဘာပြန်​ပြောမလဲ​တော့မသိဘူး ။ သူက ဆက်တိုက်ပင် စကား​တွေ ​ပြော​နေတတ်သည် ။