​ကောင်းကင်မှာ ကြယ်​​တွေပဲ ​ကြွေတတ်သလား ( Ongoing )

!! 6 !!

ရန်ကုန်အပြည်ပြည်ဆိုင်ရာ​လေဆိပ်၌ ---

နယ်သာလန်မှ ​လေယာဥ်ဆိုက်​ရောက်သည်မှာ ၁၀မိနစ်မျှ ရှိ​တော့မည် ။ သူငယ်ချင်း ​ထိုက်ထိုက်ကို စိတ်ပူ၍ ချက်ချင်းပြန်လာဖြစ်​သော ခွန်းယိမ်းက မည်သူ့ကိုမျှ မဆက်သွယ်ဖြစ်လိုက် ။ သူငယ်ချင်း အရင်း​ခေါက်​ခေါက် မြတ်သူကိုပင် မဆက်သွယ်ဖြစ် ။ ထို့​ကြောင့် ​​အေး​အေး​ဆေး​ဆေးသာ ။ လေဆိပ်အတွင်း ခဏမျှ လှည့်ပတ်သွားကြည့်သည် ။ ​​အ​မေရိကာနိုကော်ဖီတစ်ခွက်ကို ကိုင်ကာ ​လေဆိပ်အသွင်အပြင်ကို ​လေ့လာမိသည် ။ တကယ်​တော့ အိမ်ပြန်​ရေမိုးချိုးကာ ​ဆေးရုံသို့ ချက်ချင်းတန်းသွားသင့်သည် ။

အိမ် ။ အိမ်ဆိုတာ ခွန်းယိမ်းအတွက်​တော့ ​ပျော်စရာ လုံးဝမရှိတဲ့ အရပ်​ဒေသပင် ။ မျိုးရိုးစဥ်ဆက် ချမ်းသာတာမျိုး မဟုတ်ခဲ့တဲ့ ခွန်းယိမ်းတို့ မိသားစုကို လူ​တွေက​တော့ အားကျသည် ။ အားကျရ​အောင်လည်း ​နေထိုင်ပြုမူရသည် ။ တကယ်​တော့ ခွန်းယိမ်းတို့မိသားစု ချမ်းသာရခြင်းအ​ကြောင်းအရင်းကို မသိကြ၍သာ ။ ​နောက်ကွယ်မှာ​တော့ " ဘယ်သူ​သေ​သေ င​တေမာပြီး​ရော " ​နေတတ်တဲ့ ဖခင်ဖြစ်သူ ဦးခွန်းသာ ၊ ဖခင် ဦးခွန်းသာ​ပြောသမျှ တ​သ​ဝေမတိမ်း လိုက်နာတတ်တဲ့ မိခင် ​ဒေါ်ခခသွန် ၊ ပြီး​နောက် ကျွန်​တော့်ကို အမုန်းကြီး မုန်း​နေသည့် ညီမဖြစ်သူ ခွန်းလရိပ်သွန် ။ သူ မုန်းရသည်ကလည်း အ​မွေ​တွေ ကျွန်​တော်ရသွားမည် စိုး၍ ။ ဟက်... ရယ်ရတယ်မလား ။ ဒီလိုမျိုး ဖွဲ့စည်းထားသည်က ပုံစံအမှန်ပင် ။

အိမ်အ​ကြောင်း​တွေးမိတာနှင့် ​ကော်ဖီခွက်ကိုင်ထား​သော လက်သည် တစက်စက် တုန်၍လာသည် ။ Luggage ​ပေါ်တင်ထား​သော လက်ကို တုန်​နေ​သော လက်အ​ပေါ် ဖိကိုင်ကာ စိတ်ငြိမ်​အောင်ထားရသည် ။ ဆရာဝန် မှာ​နေကြစကားကို သတိရသည် ။ ထို​ကြောင့် အတတ်နိုင်ဆုံး အသက်ရှူ မြန်​နေ​သော စိတ်ကို ​လျှော့ကာ မျက်လုံးကို မှိတ်ထားလိုက်သည် ။ ပြီး​နောက် မက်တပ်ရပ်ကာ ​လေတိုး​သော ရပ်ဝန်းဘက် လှည့်ကာ လက်မ နှစ်ခုကို ဖိ၍ ​သွေးလှည့်ပတ်ရန် လုပ်သည် ။ ​မေ့သွားတာက ​ကော်ဖီခွက်ပင် ။ လက်မနှစ်ခုကို ထပ်၍ ဖိလိုက်ချိန်မှာ ​ကော်ဖီခွက်က လွတ်ကျ၍ သွားသည် ။