ကလဲ့စားချေမှု စတင်ခြင်း ...နှစ်
နေသစ်တစ်ယောက် သူ့၏ လျှို့ဝှက် အပန်းဖြေ စံအိမ်တွင် ရှိနေသည် ။ ထိုနေရာသည် ဘယ်သူမှ မသိသော သူ၏ ကိုယ်ပိုင်နေရာဖြစ်သည် ။ ခြံကြီးထဲတွင် အလုပ်လုပ်ကိုင်ရန်အတွက် ရိုးသားယုံကြည်ရသော ဦးကြီးထွန်းမြိုင်တို့ မိသားစုသာ ရှိလေသည် ။ အခု ဦးကြီးထွန်းမြိုင်သည်လည်း ဘုန်းခံ့ညား၏ အိမ်တွင် ဒရိုင်ဘာအနေဖြင့် ရှိနေလေပြီ ။ ခြံထဲတွင် ဦးကြီးထွန်းမြိုင်၏ ဇနီးနှင့် သားဖြစ်သူ နှစ်ယောက်သာ ကျန်နေသည် ။
ခြံအနောက်ဘက်က သန့်ရှင်းကြည်လင်သော ရေကူးကန်တွင် စိတ်လက် အပန်းဖြေရန် ရေကူးနေမိသည် ။ ရေကူးရခြင်းကို နေသစ် မနှစ်သက်သော်လည်း ချစ်ရသူလေး ခွန်းယိမ်း၏ အကြိုက်ဆုံး အားကစားတစ်မျိုး ဖြစ်နေခြင်းကြောင့် နေသစ်လည်း ပြုလုပ်မိနေခြင်း ။
စိတ်ပင်ပန်း မွန်းကြပ်လာပြီး ခွန်းယိမ်းကို သိပ်သတိရလျှင် နေသစ်တတ်နိုင်တာဆိုလို့ ဒီနေရာကိုလာပြီး ရေကူးနေခြင်းပင် ။ တစ်နေ့နေ့မှာ ဖြစ်နိုင်မယ်ဆိုရင်တော့
ခွန်းယိမ်းသွန်နှင့်အတူ ဒီနေရာလေးကို ပျော်စရာ ကမ္ဘာလေးအဖြစ် တည်ဆောက်နိုင်ချင်သည် ။
ထိုအချိန်တွင် ဝိုင်ခွက်လေးကို ကိုင်ကာ ရေကူးဘောင်းဘီကိုသာ ဝတ်ထားသော လူတစ်ယောက်သည် နေသစ် ရှိနေရာဆီ ကူးခတ်၍ လာနေသည် ။ ဒီနေရာမှာ ရှိနေနိုင်တာ ဘယ်သူဖြစ်မလဲ စိတ်ဝင်စားနေခိုက် ထိုလူက နေသစ် ရှေ့တူရူတွင် ရှိနေပေပြီ ။ ထိုသူ၏ ဆံနွယ်ကောက်ကောက်လေးများသည် ရေစိုနေသောကြောင့် လိမ်ကာ ဝင်းဝါသော ပါးပြင်တွင် ကပ်၍ နေသည် ။ နှုတ်ခမ်းများသည် ရဲစိုနေကာ ရွှန်းလဲ့နေသည် ။ ရေစက်ကလေးများက ဆံပင်ထိပ်များဆီမှ ပခုံးထက်သို့ ကျနေပုံမှာ နှင်းဆီပန်း ပန်းချီကားချပ်လေး ရေလောင်းခံရသည်နှယ် ။ ထိုသူ၏ လက်တစ်ဖက်သည် ဖြည်းဖြည်းချင်း မြောက်တက်လာပြီး နေသစ်ရင်ဘတ်ကို ပွတ်သပ်နေသည် ။ အာစေးမိနေသလို နေသစ် ဘာမှမပြောနိုင်ခင်
YOU ARE READING
ကောင်းကင်မှာ ကြယ်တွေပဲ ကြွေတတ်သလား ( Ongoing )
عاطفيةBL own story par ပြည့်စုံတဲ့ မိသားစုက ဆင်းသက်လာပေမယ့် မိသားစုတွင်း ပြဿနာများကြောင့် စိတ်ကျရောဂါကို ခံစားခဲ့ဖူးသော ခွန်းယိမ်းသွန် ရန်ငြိုးတစ်ခုကို ကလဲ့စားချေဖို့အတွက်နဲ့ တစ်ဘဝလုံးကို ပုံအပ်ထားခဲ့တဲ့ နေသစ်ချို သူတို့နှစ်ဦးတွေ့ဆုံမှုဟာ ရန်ငြ...
