Uni
နေရောင်ရဲ့ဆော်သြမှုကြောင့် ရာ့မျက်လုံးတွေအနည်းငယ်ဖွင့်ကြည့်လိုက်သည်။ မှန်အကြည်ကနေ အထဲကိုဖောက်ထွင်းဝင်လာတဲ့ အလင်းစူးစူးကရာ့အတွက်အဆင်မပြေပါ။ နေရောင်ကိုကျော်ခိုင်းပြီး တစ်ဖက်လှည့်လိုက်တော့ အောက်ပိုင်းကစူးစူးနစ်နစ်နာကျင်မှုကြောင့် ရာ့မျက်နှာလေးရှုံ့မဲ့သွားသည်။ ကိုယ့်ကိုယ်ကိုကြည့်တော့ Pajamas အနက်ရောင်ကိုဝတ်ထားသည်။
ရာ့ဘေးနားမှာ မောင်ကအိပ်စက်နေတုန်းပေ။ ခန္ဓာကိုယ်ကမှောက်ရက်အနေအထားဖြင့်ရှိသည်။ အပေါ်ပိုင်းဗလာနှင့် ဘောင်းဘီရှည် အနက်ကိုဝတ်ဆင်ထားသည်ပေ။ အမြဲတမ်းဂျယ်လိမ်းပြီး ပုံသွင်းထားတတ်တဲ့မောင်ရဲ့ဆံပင်တွေက ညကရာ့တို့မိုးမမြင်လေမမြင်ကြိုးစားခဲ့တဲ့အကျိုးကျေးဇူးအနေနဲ့ ဝဲကျနေသည်။ ဆံပင်တိုစစတွေကမျက်လုံးကိုစူးနေပြီမို့ ရာ့တယုတယလေးဖယ်ရှားပေးမိသည်။ ရှင်းသန့်နေတဲ့မျက်နှာကိုမြင်တော့ ရာပြုံးမိပါသည်။ မောင်ကအိပ်နေတဲ့အချိန် အေးချမ်းလိုက်တာ။
မောင့်ရဲ့ပုခုံးစွန်းလေးကို လက်ဖြင့်ဖွဖွလေးထိတွေ့ကာ ဆော့ကစားမိသည်။ ယားကျိကျိဖြစ်လို့လားမသိ ပုခုံးကခါသွားတတ်သည်။ ဒါတောင် ဆက်အိပ်နေတုန်း။ မောင်ကအိပ်ပုပ်ကြီးတာပဲ။ ဒီတစ်ကြိမ်တော့ ရာ့ဖြည်းဖြည်းချင်းထထိုင်ကာ မောင့်နားနားကပ်၍ မောင့်ကိုနှိုးလိုက်သည်။
"မောင်.. "
အသက်ရှုမှန်မှန်နဲ့ရှိနေပြီး တုပ်တုပ်မျှမလှုပ်တာကြောင့် မောင့်ကျောပြင်ကို လက်ဖြင့်ပုတ်လိုက်ကာ.....
"မောင်.. ထတော့နော် "
"အိပ်ချင်သေးတယ်.."
မျက်လုံးမဖွင့်ဘဲ ပြောတာမို့ ဘယ်သူလဲရာမသိပါ။
"မောင်ကလိမ္မာပါတယ်.. ထတော့နော် "
"အင်း.."
ပြောပြီးကုန်းထလာတာမို့ ရာ့မျက်လုံးကိုကြည့်ပေမဲ့ အိပ်ချင်မူးတူး နဲ့ မျက်လုံးကမပွင့်သေးပါ။ ရာ ထိုချိတ်ပိတ်ထားတဲ့မျက်လုံးတွေကို နမ်းရှိုက်လိုက်တော့ မျက်လုံးတွေပွင့်လာတော့သည်။ မဟူရာမျက်ဆံလေးတွေပေ။ မဟာဆောင်းက ပြုံးပြီး ရာ့ခေါင်းနောက်ကိုထိန်းကိုင်၍ ရာ့နှုတ်ခမ်းကိုငုံထွေးလာတော့သည်။ ရာသူ့ရင်ဘတ်ကိုတွန်းတော့ လွှတ်ပေး၏။
YOU ARE READING
Three Mind One Body (Complete)
Fantasyကျိန်စာသင့်နေတဲ့ အမွှာညီအစ်ကို၃ယောက်ဟာခန္ဓာကိုယ်တစ်ခုထဲကိုမျှဝေသုံးဆွဲနေတယ်ဆိုတာ........... ေအးချမ်းပြီး ပိုက်ဆံသုံးနှမျောတတ်တဲ့လူအလတ်တန်းစား ကောင်လေး'ခိုနားရာ'ကို ဘီလီယံနာသူဌေးလေး ၃ယောက်ဟာ ကြိုက်နှစ်သက်သည်တဲ့။ ဒါပေမယ့် အဲ့၃ယောက်ကခန္ဓာကိုယ်တစ်ခုထဲမှ...
