Three Mind One Body (Complete)

Final (U&Z)

Unicode

"ပါးပါး.. ထတော့လေ"

လက်သေးသေးလေးတွေ လှုပ်နှိုးခြင်းခံလိုက်ရသောကြောင့် ရာနိုးလာသည်။ ရာထထိုင်လိုက်ကာ အကျောအခြေတွေဆန့်လိုက်သည်။ မနေ့ကအရမ်းကိုပင်ပန်းခဲ့လို့ ရာနောက်ကျပြီးအိပ်ပျော်နေတာပဲ။

"သားတို့ဒယ်ဒီရော.."

"အလုပ်သွားပြီ"

မောင်ကငါ့ကိုတောင်မနှိုးပါလား။ ကလေးတွေကသူတို့ဖိုးဖိုးနဲ့မနက်စာစားပြီးသွားပြီဆိုတာကြောင့် ရာရေချိုးလိုက်သည်။ ဒီနေ့တော့ မောင့်အတွက်ထမင်းချိုင့်ပို့ပေးရင် ကောင်းမည်။ အဲ့တော့ မောင့်ကိုအပြင်မှာမစားတော့ရန် သတိပေးရမည်။ ရာအဝတ်လဲဖို့အဝတ်ဗီရိုကိုဖွင့်လိုက်ချိန် ဘူးထဲကဇာဂါဝန်ကိုအနည်းငယ်တွေ့လိုက်ရတော့ ရာလျစ်လျူရှုလိုက်သည်။ ရာ မောင့်ဆီဖုန်းဆက်တော့ မောင့်ကိုခေါ်လို့မရ။ တမင်သက်သက်ဖုန်းပိတ်ထားတာများလား။ ညကရာလွန်သွားသည်။ ရာတွေးနေတာကို မောင်ကသိမြင်နိုင်သည်။ဒါကမောင့်ရဲ့အစွမ်းနောက်တစ်ခုများလားလေ။ အသံမက်ဆေ့ချ်ချန်ထားလိုက်ကာ အောက်ထပ်ဆင်း၍ ချက်ပြုတ်ရန်ပြင်ဆင်လိုက်သည်။

ယွင်းရဲ့accကရာ့မှာမရှိသလို မနေ့ကယွင်းနဲ့ပထမဆုံးအချိန်တွေ့ဆုံခြင်းဖြစ်နိုင်သလို နောက်ဆုံးတွေ့ဆုံခြင်းလည်းဖြစ်နိုင်သည်။ လောကကြီးကသိပ်စိတ်ပျက်ဖို့ကောင်းတာပဲ။ ရာလည်းသေလုမျောပါအဆင့်ထိရောက်ဖူးခဲ့တော့ ဘယ်လောက်နာကျင်ခံစားရလဲသိသည်။ ကျန်ခဲ့မည့်ယွင်းရဲ့ခင်ပွန်းအတွက်သာစိတ်မကောင်းဖြစ်မိသည်။ ရာကမီးဖိုချောင်ထဲမှာအလုပ်ရှုပ်နေချိန် သားတို့ကဘေးနားနေနေတာမို့ သူတို့ငြိမ်အောင် အလွတ်ကွတ်ကီးလေးတွေထုတ်ပေးပြီး ခရင်မ်ထုတ်တွင်ပေးထားလိုက်သည်။ အရောင်စုံလင်လှသော ခရင်မ်လေးတွေဖြင့် ကွတ်ကီးပေါ်မှာ အရုပ်လေးတွေထွင်ကြသည်။ သူတို့စားချင်ရင် ကောက်ဝါးလိုက်နှင့် နှုတ်ခမ်းတွေပေရေသွားပြန်သည်။ရာတစ်ရှူးလေးဖြင့်သုတ်လိုက်ကာ ပို၍လှမည့်ထင်သောကွတ်ကီးလေးတွေရွေးထုတ်လိုက်ကာ ဘူးတစ်ဘူးနဲ့သပ်သပ်ထည့်ထားလိုက်သည်။ မောင်အချိုတည်းလို့ရအောင်။