Unicode
ကော်ဖီနံ့သင်းသင်းလေးက ခွန်အားရဲ့စိတ်ကိုကြည်လင်စေသည်။ ပေါင်မုန့်ညိုကိုယိုသုတ်လိုက်ကာ ပန်းကန်ထဲထည့်၍ ကိုကိုဆီယူသွားလိုက်သည်။ ဝရံတာမှာလိမ္မော်ရောင်ညဝတ်အင်္ကျီဝတ်ထားပြီး နှင်းပန်းလေးတွေကိုထိတွေ့နေသောကိုကို။ နေရောင်ခြည်က ကိုကိုရဲ့မျက်နှာကိုရောင်ပြန်ဟပ်တော့ ဖြူဖွေးသောကိုကိုရဲ့အသားအရေကိုတောက်ပသွားစေသည်။ ကိုကိုကကော်ဖီခွက်ကိုယူလိုက်ကာတစ်ငုံသောက်လိုက်သည်။ ပူကျစ်နေသောကော်ဖီကိုသောက်လိုက်တာမို့ ခွန်အားမာန်ကပျာကယာတစ်ရှူးယူပေးလိုက်ရသည်။ သတိမပေးမိတဲ့ကိုယ့်ရဲ့အမှားပါပေ။
"အရင်တုန်းက ရေခဲအစွမ်းရှိတော့ ကော်ဖီကိုတစ်ကျိုက်တည်းမော့သောက်နိုင်တယ်...အခုတော့ အမလေး.. တော်တော်ပူတာပဲ"
ခွန်အားမာန်ကတစ်ချက်မျှပြုံးလိုက်ကာ အပူကိုထိတွေ့မိသွားလို့ နီရဲတက်လာသောနှုတ်ခမ်းလေးကိုနမ်းလိုက်သည်။ ကိုကိုနဲ့ဒီလိုမျိုးအချိန်တွေကိုမြန်မြန်ရရှိသွားမယ်လို့မထင်ထားဘူး။ ကိုကိုနဲ့လက်ထပ်ဖို့ကိစ္စပြောတော့ ကိုကိုကအလောတကြီးမလုပ်ပါနဲ့ဆို၍ ခွန်အားမာန်နောက်ဆုတ်ထားလေသည်။ အိမ်ထောင်သည်ဖြစ်သွားရင် တာဝန်တွေကနည်းမှမနည်းတာ။ နောက်ပြီး ကိုကိုရဲ့ဝါသနာကိုမေးရဦးမယ်။ အစွမ်းကိုလည်းပေးအပ်လိုက်တာမို့ BRISEMAမှာတာဝန်ထမ်းဆောင်စရာမလိုတော့။
"ကိုကို ရှေ့လျှောက်ဘာလုပ်မယ်စိတ်ကူးထားလဲ?"
"ကိုကိုကBRISEMAအိမ်တော်နဲ့Penအိမ်နဲ့ကိုအမြဲတမ်းသွားလာနေရတာ.. pèreရဲ့မှောင်ခိုအလုပ်ကိုLibanoကိုအပ်ထားလိုက်တယ်... စဥ်းစားထားတာက ကိုကိုရဲ့ပိုင်ဆိုင်မှုတွေကို မဟာရဲ့သားသုံးယောက်ကိုအမွေပေးမယ်ဆုံးဖြတ်ထားတယ် ကိုယ်ဝါသနာပါတဲ့အလုပ်ရယ်တော့ မသိဘူးရယ်.. မာန်ကရောဘာလုပ်လဲဟင်..."
"ကျွန်တော်ကအပင်မျိုးစိတ်တွေစုဆောင်းရတာဝါသနာပါတယ် ရုက္ခဗေဒနဲ့ပတ်သက်ပြီးတော့ လုပ်ရတာတွေရှိတယ်.. ဘယ်အပင်ကိုဘယ်လိုမြေမှာစိုက်ရင်အဆင်ပြေမယ် အပင်မျိုးပေါင်းဘယ်လောက်ရှိတာကို သုတေသနလုပ်ပေးရတာမျိုး... နောက်ထပ်အရံအလုပ်မျိုးဆိုရင်တော့ အစ်ကို့အလုပ်တွေရဲ့စာရင်းလေးစစ်ပေးတာမျိုး.. နောက်ပြီးစုံစမ်းရေးလုပ်တာ"
YOU ARE READING
Three Mind One Body (Complete)
Fantasyကျိန်စာသင့်နေတဲ့ အမွှာညီအစ်ကို၃ယောက်ဟာခန္ဓာကိုယ်တစ်ခုထဲကိုမျှဝေသုံးဆွဲနေတယ်ဆိုတာ........... ေအးချမ်းပြီး ပိုက်ဆံသုံးနှမျောတတ်တဲ့လူအလတ်တန်းစား ကောင်လေး'ခိုနားရာ'ကို ဘီလီယံနာသူဌေးလေး ၃ယောက်ဟာ ကြိုက်နှစ်သက်သည်တဲ့။ ဒါပေမယ့် အဲ့၃ယောက်ကခန္ဓာကိုယ်တစ်ခုထဲမှ...
