Three Mind One Body (Complete)

Part-32 (U&Z)

Unicode

ကောင်းကင်ပြင်မှာ နေလုံးကြီးကပြူးပြူးပြားပြားထွက်ရှိလာပြီဖြစ်က မြေပြင်တွင်သောင်တင်နေသောနှင်းတွေသည်လည်းအရည်ပျော်စပြုလာပြီပေ။ နေမင်းရဲ့အလှကအသက်ရှုမှားလောက်သည်မို့ ရာဓာတ်ပုံရိုက်ထားလိုက်သည်။ အောက်ထပ်မှာလည်း မောင့်ရဲ့ဦးလေးဝမ်းကွဲနဲ့ သူ့သားကလမ်းတွင်ပိတ်ဆို့နေသောနှင်းတွေကို သူတို့ပိုင်ဆိုင်သောအစွမ်းဖြင့် ရှင်းလင်းပေးနေသည်။ ဘဘသည်လည်းအပြင်ဘက်လမ်းလျှောက်ထွက်ရင်း နှင်းတွေကိုလှည်းကျင်းနေသလို Geneviaကစာအုပ်တစ်အုပ်ဖြင့် ဆောင်းရာသီတွင်ပွင့်တတ်သော အလွန်ရှားပါးသော အနီရောင်သစ်ခွပန်းကို လေ့လာနေပုံရသည်။ Yujxadoသည်လည်း သူ့ရဲ့လက်ဆွဲတော်ဓားဖြင့် နှင်းများဖြင့်ရှုပ်ထွေးနေသော ချုံနွယ်တွေကိုရှင်းပေးနေသည်။

ထိုစဥ်နောက်ကျောဘက်ကတစ်ခုခုနဲ့ပစ်ပေါက်လိုက်သည်ကိုခံစားရတာမို့ နောက်လှည့်ကြည့်စဥ် Faixadoကနှင်းလုံးဖြင့်ပစ်ပေါက်လိုက်ခြင်းပေ။ မောင်နှမနှစ်ယောက်ဆော့နေတာကိုမြင်တော့ ရာရယ်မောမိပါသည်။ မောင်ကရာ့နောက်ကျောကို နှင်းလုံးဖြင့်ပစ်ပေါက်လိုက်တာမို့ ရာမောင့်ကိုမျက်စောင်းထိုးလိုက်သည်။ ဝရံတာလက်ရန်းပေါ်မှာတင်နေသောနှင်းတွေကို ရာယူလိုက်ကာမောင့်ကိုပစ်ပေါက်လိုက်သော်လည်း မောင်ကရှောင်လိုက်ကာ ရာ့ကိုချုပ်လိုက်၍ နဖူးစွန်းကိုနမ်းရှိုက်လာခဲ့သည်။ ရာ့အတင်းရုန်းလိုက်ကာ ကလေးတွေဆီသွားလိုက်သည်။ မောင်ကတော့ အနောက်မှာရယ်ရင်း ကျန်ခဲ့လေသည်။

ဒီးဒီးလေးကငိုလာတာမို့ ရာ့ချော့မော့လိုက်ကာ နို့ဘူးဖြင့်နို့တိုက်လိုက်သည်။ ရင်သားကနေနို့တွေကစိမ့်ထွက်တာမို့ နို့တွေကိုခွက်နဲ့ခံထားကာ ဘူးနဲ့ထည့်ထားခြင်းဖြစ်သည်။ တစ်ခါတလေနို့ကမထွက်တော့လျှင် စုပ်ခွက်ဖြင့်စုပ်ထုတ်ကာတိုက်ရပါသည်။ ဟီးဟီးလေးကတော့ အိပ်နေဆဲပင်ရှိပြီး ဘီးဘီးလေးကနိုးနေသည်။ ဘီးဘီးလေးက သူ့လက်တွေခြေထောက်တွေကိုယမ်းခါတော့ ဟီးဟီးလေးကိုသွားထိကာ နိုးသွားတော့သည်။ မောင်ကနို့ဘူးနှစ်ဘူးယူလိုက်ကာ ဘီးဘီးနဲ့ဟီးဟီးလေးကိုတိုက်တာမို့ ရာထိုမြင်ကွင်းကိုကြည့်နေလိုက်သည်။