Three Mind One Body (Complete)

Part - 8 (U&Z)

Uni

ညနက်သန်းခေါင်မှာ ရာနိုးလာတော့သည်။ ဆီးစပ်နားက တင်းကျပ်နေတာကြောင့် အပေါ့သွားချင်နေမှန်းသိတော့သည်။ ထပြီးရေချိုးခန်းတံခါးကိုဖွင့်ကြည့်ပေမဲ့ ဖွင့်လို့မရပေ။ တံခါးပျက်သွားတာများလား?။ ဘယ်လိုလုပ်ရမလဲ။ အာ.. မီးဖို ချောင်ခန်းမှာ Toilet ရှိလောက်သည်။ မဆိုင်းမတွဘဲ ဓာတ်လှေကားဖြင့်အောက်ထပ်ဆင်းလိုက်သည်။ ရိုးရိုးလှေကားကဆင်း၍ ထွက်ကျနေမှာဆိုး၍။

မီးဖိုချောင်ဘက်ကြည့်တော့ မီးလင်းနေတာမို့ ဘယ်သူရှိလို့လဲကြည့်လိုက်သည်။ ညဝတ်အင်္ကျီအနက်ကိုဝတ်ထားတဲ့ ကျောပြင်ကျယ်တစ်ခုဟာ ရေခဲသေတ္တာထဲက နွားနို့ခွက်ကိုယူနေသည်။ ရေခဲသေတ္တာပြန်ပိတ်ပြီး တစ်ဖက်လှည့်လာတော့ အနီရောင်မျက်ဆံနဲ့လူ မဟာမိုး(Hed)ဖြစ်နေတော့သည်။ သူက မျက်ခုံးတွေတွန့်ချိုးလိုက်ကာ.......

"ခင်ဗျား ဘယ်လိုဖြစ်လို့ အောက်ဆင်းလာတာလဲ?"

"ကိုယ် Toilet သွားချင်လို့ "

"ခင်ဗျားအခန်းထဲကဟာက ဘာဖြစ်လို့လဲ "

"ပျက်နေလားမသိဘူး.. ဖွင့်လို့မရဘူး"

အပေါ့သွားချင်ပါတယ်ဆိုမှ Hedရစ်တာကို ရှင်းပြနေရတယ် တကယ်စိတ်ပျက်တယ် မဟာမိုးကောင်။

"သွား.."

သူသွားခိုင်းမှပဲ ကိုယ့်ကိစ္စကိုရှင်းရတော့သည်။ ကိစ္စပြီးနောက် အပြင်ပြန်ထွက်တော့ မတ်တပ်ရပ်လျက် နွားနို့သောက်နေတဲ့သူကြောင့် နံရံမှာချိတ်ထားတဲ့ နာရီကိုကြည့်တော့ 1:47ဖြစ်နေသည်။ မဟုတ်မှလွဲရော သူအခုအချိန်ထိမအိပ်ရသေးတာလား?။ သူ့နားလျှောက်သွားလိုက်ကာ.......

"မအိပ်ရသေးဘူးလား.."

"တစ်ရေးနိုးတာ ဗိုက်ဆာသလိုရှိလို့ အောက်ဆင်းလာတာ.."

ပြောပြီး နွားနို့သောက်လိုက်တာကြောင့် ခိုနားရာသေချာကြည့်မိသည်။ ယောကျာ်းတို့ရဲ့ဆွဲဆောင်မှုအသေးစားရှိတဲ့ နေရာဖြစ်တဲ့ လည်ဇလုတ်က ရေလှိုင်းသဖွယ် စုန်ဆန်ချီသွားသည်။ ဒါတွေမက လည်ပင်းကြောတွေကိုတောင် မြင်နေရသေးသည်။

မဟာမိုး ကိုယ်နွားနို့သောက်နေတာကို အထူးအဆန်းလုပ်ကြည့်နေတဲ့သူကြောင့် အမြင်ကပ်သလိုရှိလာသည်။ ထို့ကြောင့် ရေခဲသေတ္တာထံပြန်သွားကာ နွားနို့နောက်တစ်ခွက်ယူလိုက်သည်။ ပြီးတော့ ဟိုလူကိုပေးလိုက်ကာ.......