Unicode
အနက်ရောင်ကားနက်ကြီးပေါ်ကဆင်းသက်လာသော ဖြူဖွေးကြည်လင်၍ အဖြူရောင်ခြူလုံးလေးကလှပစွာတည်ရှိနေကာ လူသားငယ်တစ်ဦးကဆင်းသက်လာလေသည်။ တစ်ဖက်ကလည်း Libanoသည်ဆင်းသက်လာကာ နီလာကျောက်ပါသောလက်စွပ်တည်ရှိနေသောလက်ချောင်းများကြားတွင် စီးကရက်ကိုရှိုက်ဖွာ၍ နေလေသည်။ Pensoraသည် ကားထဲက ဒေလီယာပန်းစည်းကြီးယူကာ Mamanဆီသွားဖို့ခြေလှမ်းပြင်လိုက်သည်။ အဖြူရောင်ဝတ်ရုံရှည်ဝတ်ဆင်ထားပြီး အဖြူရောင်ဆံနွယ်ရှည်များကို ဆံထိုးဖြင့်ထိုးထားသည်။ ဖြူဖျော့သောမျက်နှာမှာ ပုံမှန်ထက်တောင် ပို၍ဖြူဖျော့နေကာ အရောင်အသွေးတောင်မရှိတော့။
"Libanoသွားမယ်လေ.."
"မင်းတစ်ယောက်တည်းသွားလို့ရတယ်မလား.."
"........"
"မင်းမျက်ရည်တွေငါမမြင်ချင်ဘူး Pen.."
Pensoraခေါင်းညိမ့်လိုက်ကာ ခြေလှမ်းလှမ်းမည့်အချိန်တွင် သူပြောလိုက်သောစကားကြောင့် ရပ်တန့်သွားလိုက်ရပြန်သည်။
"ဟိုကောင်လေးကို သံယောဇဥ်ဖြတ်နိုင်ရဲ့လား Pen..."
"......."
"မင်းကိုယ်မင်း မေးကြည့်ပါ.. မင်းဒီလိုဆက်သွားရင် နှစ်ယောက်လုံးနာကျင်နေရလိမ့်မယ်..."
"အတူတူရှိမနေရခြင်းပဲငါတို့နှစ်ယောက်အတွက်ပိုကောင်းပါတယ်.. သူလည်းနာကျင်ရသလို ငါလည်းနာကျင်ရတာပဲလေ... ဒီကစားပွဲမှာ ငါတို့နှစ်ယောက်ဟာသရေပါပဲ..."
"မင်းတို့ရဲ့ကစားပွဲမဟုတ်ဘူး.. မင်းတို့မိဘတွေရဲ့မှားယွင်းတဲ့ဆုံးဖြတ်ချက်နဲ့ပေါ်ပေါက်လာခဲ့တဲ့ အဓိပ္ပါယ်မရှိတဲ့ကစားပွဲ... ဒါကိုမင်းတို့ကရှေ့ဆက်တိုးပြီး ကစားချင်သေးတယ်တဲ့လား"
"တော်တော့ Libano ငါ့ရဲ့ကတိကိုငါတည်ပါရစေ"
Libanoကိုကျောခိုင်းလိုက်ကာ ထွက်သွားတော့သည်။
သွေးကြောစိမ်းများရှက်ဖြာနေသော လက်တစ်စုံဟာ နှင်းတွေဖုံးလွှမ်းနေသောကြောင့် မမြင်ရသောစာတန်းတစ်ခုကို မြင်တွေ့ရရန် ဖယ်ရှားလိုက်သည်။ထို့နောက် ဒေလီယာပန်းစည်းကြီးကို ကျောက်သားပေါ်မှာနေရာချလိုက်သည်။ ဦးမော်ကွန်းမဟာသည် သားဖြစ်သူရဲ့ပုခုံးကိုစုပ်ကိုင်၍နှစ်သိမ့်နေလေသည်။ ခွန်အားမာန်သည်လည်း ခေါင်းငုံ့၍ဆိတ်ငြိမ်ကာနေလေသည်။
YOU ARE READING
Three Mind One Body (Complete)
Fantasyကျိန်စာသင့်နေတဲ့ အမွှာညီအစ်ကို၃ယောက်ဟာခန္ဓာကိုယ်တစ်ခုထဲကိုမျှဝေသုံးဆွဲနေတယ်ဆိုတာ........... ေအးချမ်းပြီး ပိုက်ဆံသုံးနှမျောတတ်တဲ့လူအလတ်တန်းစား ကောင်လေး'ခိုနားရာ'ကို ဘီလီယံနာသူဌေးလေး ၃ယောက်ဟာ ကြိုက်နှစ်သက်သည်တဲ့။ ဒါပေမယ့် အဲ့၃ယောက်ကခန္ဓာကိုယ်တစ်ခုထဲမှ...
