Uni
ခိုနားရာ ညစာစားပြီး TVထိုင်ကြည့်နေခြင်း။ ပြောရရင် ရယ်စရာဖြစ်နေမယ်။ ခိုနားရာကြည့်နေသော ကာတွန်းကားက နတ်သမီးကာတွန်းကားလေးပင်။ တစ်ဖက်ဆိုဖာပေါ် အဖေကလာထိုင်တော့ ခိုနားရာပြုံးပြလိုက်သည်။
"သားရာက ဒီလိုကာတွန်းကားကြည့်တာပဲလား?"
"ဟုတ်.. သဘောကျလို့"
အဲ့သည်လိုပြောတော့ အဖေက ဟက်ဟက်ပက်ပက်ရယ်သည်။ အဖေကရယ်ရင်ပိုကြည့်ကောင်းသည်။ ရုပ်ရည်ကျဆင်းမသွားပဲ တည်ကြည်ခန့်ညားနေဆဲ။ ကြင်နာတတ်ပြီး ရာတို့ကိုဂရုစိုက်သည်။
ဒီလိုအဘက်ဘက်က ပြည့်စုံနေတဲ့ယောကျာ်းတစ်ယောက်ကို Madam Shinaဆိုတဲ့အမျိုးသမီးက လျစ်လျူရှု့ရတာလဲ။
"အဖေက မောင့်ရဲ့အမေကို အရမ်းချစ်တာပဲလားဟင်.."
"......"
အဖေကပြုံးနေရာမှ တည်သွားတာကြောင့် ရာအမှားလုပ်မိမှန်းသိသွားလေသည်။
"တောင်းပန်ပါတယ်.. ရာမပြောသင့်ဘူး"
"ချစ်ခဲ့ပါတယ်.."
"......"
"အဖေရဲ့အသက်ထက်တန်ဖိုးထားပြီး ချစ်ခဲ့ဖူးပါတယ်.. ဒါပေမယ့် အဖေရဲ့သားကို သနားငဲ့ညာမှုမရှိဘဲ ရက်စက်ခဲ့တဲ့အချိန်ကစပြီး သူ့အတွက်ဖြစ်တည်နေတဲ့ အချစ်တွေကုန်ဆုံးသွားခဲ့ပါပြီ..."
"......."
"မုန်းတီးပြီး လျစ်လျူရှု့လို့မရဘူး... ဘာပဲဖြစ်ဖြစ် သူက သားရဲ့အမေပဲလေ.. ပြီးတော့ တစ်ချိန်ကအဖေရဲ့ဇနီးဖြစ်ခဲ့ဖူးတာပဲ"
ပတ်ဝန်းကျင်က တိတ်ဆိတ်ငြိမ်သက်သွားတော့ ခိုနားရာစကားလမ်းကြောင်းလွှဲလိုက်ရသည်။
"စကားမစပ် အဖေ့အသက်ဘယ်လောက်ရှိပြီလဲဟင်..."
"၅၄နှစ်ပါဗျ.. "
"တကယ်.."
"သားရာကမယုံဘူးလား"
"အဖေက ဒီလောက်နုနေတာကို.."
"သားရာက အဖေ့အသက်ဘယ်လောက်ထင်လို့လဲ?"
"အလွန်ဆုံးရှိ ၄၇ ၊ ၄၈ပေါ့"
"ဟား..ဟား.. သားရာကတော့"
Ring~~~Ring~~~
"အဖေ ခဏနော်"
YOU ARE READING
Three Mind One Body (Complete)
Fantasíaကျိန်စာသင့်နေတဲ့ အမွှာညီအစ်ကို၃ယောက်ဟာခန္ဓာကိုယ်တစ်ခုထဲကိုမျှဝေသုံးဆွဲနေတယ်ဆိုတာ........... ေအးချမ်းပြီး ပိုက်ဆံသုံးနှမျောတတ်တဲ့လူအလတ်တန်းစား ကောင်လေး'ခိုနားရာ'ကို ဘီလီယံနာသူဌေးလေး ၃ယောက်ဟာ ကြိုက်နှစ်သက်သည်တဲ့။ ဒါပေမယ့် အဲ့၃ယောက်ကခန္ဓာကိုယ်တစ်ခုထဲမှ...
