قصة 💕 زهرة_العمر 💕 بالدارجة المغربية

🌺الفصل الرابع 🌺

🌺زهرة عمري

🌺 البارت 22

ناضت زهور لبسات عليها جلابتهاا وزيفها ونزلات لعند زبيدة لي كانت ركباات حدا راجلها فلبيكوب ركباات حداها وسدات لباب

زبيدة-دينا غ لسبيطار ديال لحومة راه سعاد تشوفهاا

صالح(خنزر فيهاا)دي درية لعند طبيب فلاربعاا لاش مسيفط ليك لفلوس

زبيدة-طبيب طبييب لاش غنضيعو تفلوس لمركووب ولا عرفتي اش دير ديناا لطبيبة لي حدا جاامع كلشي تيكول عليها مزيانة راه ديال كلشيي

داهم لطبيبة وطلعات هيا وزهور لدار فين كاينة لعياادة دخلوو لقاوها خااوية توقفاتهم لبنت لي فلستتقبال وقالت-نعام الالة اش حب لخاطر

زبيدة-كاينة طبيبة ابنتيي جبت كنتي دوز ليهاا

شافت لبنت فزهور وقاالت-وخة عطيني سميتك باش دخلوو

عطكاتها زهور لي بغاات وكلساات حدا زبيدة كتسنا تعيطات ليهم دخلو لعند طبيبة وبعد سين وجييم فحصااتها ورجعات كلسات طبيبة مقابلة مع زبيدة وقالت-مبرووك الالة بنتك حااملة

زبيدة(خرجو عينيهااا)هئ ويالله تزوجاات

-عندها شهر داباا

كلسات زهور حداهااا وتبسماات مكانتش منتاضرة لحمل ومكانتش مخططة ليه كااع لهيا لا عادل

زبيدة-هاا

-غنخرج ليها شي دوى تبعوو تلت شهور وترجع عنديي

عمرات ليها لورقة بدوى ولي فيتاميين وخلصات زبيدة وباينة فوجها معاجبها حال حتى لمباركة مباركاتش تغادين فدروج وقالت-عادل لي كالييك حمليي

زهور-لااا تانا مكنتش عارفة

زبيدة-ومالكم على هد الزبية يالله تهنينا من لعرس

مهدراتش زهوور وخرجوو ركبوو وشافت فيها زهور وقالت-خالتي ها الصيدلية حالة

زبيدة-لاااش اش بغيتي بشي دوايااات ها امااال عمرها خدات شي فنيدة ولادها كي الشهد ياربيي كولي غا مزيان داكشي غادي يمرض غاداكشي لي فكرشك

زهور-واش بصح حيت مريم كانت مي كتشريه لييهاا

زبيدة-مريم راه كان فييهاا فقر الدم نتي مفيك والووو

دخلو لدار وطلعات لبييت وصونات وقطعات على عادل الاخيير صونا عليها فلبلااصة وقاال –الزيين دوزتي دغيااا

زهور-اه مشينا غير لطبيبة لي حدا جاامع عرفتيهاا

عادل-ياك قلت لمي تدييك لاربعا دوز لييك فف معلينااا اش قالت ليي كراه بالي معااك

زهور(حشمات)هه قالت لياا حم حاملة

عادل(بلاتي بلاتي نوقف الطموبييل (سكت شوية كيوقف فيا ورجع هدر كيضحك)شنوو قلتيي