💞 زهرة عمري
💞 البارت 297
تعشات الناس وزهور مطاحش فكرشهاا نهائيا تناضت تصونا تيليفون تورية هضرات مع نعمان وقالت:زهور يالله ابنتي نعمان كيتسناا
زهور:او مجيد
تورية:يمكن تزاد عليه لحال ومشاا
زهور(بخوف)اويليي ...يالله نمشيوو
تورية:متعشيتيش
زهور(قدات زيفها)لا لا بغيت نمشيي
سلمو على رااضية وخرجوو باغة غير امتا توصل حطات راسها بلااصت راضية وبدات كتخيل وتنعل الشيطاان وغير التفكير فموت شخص عزيز عليك كتبدااي تبكيي بلا والوو ...وصلو لداار وهبطاات كتزرب دخلات لدار لقات ضواو مطفيين خرجات كوتر من الصالة وقالت:جيتو تعطلتو بزااف
ززهور:ادم نعس
كوتر:ممم فرشت ليهم فالصالة لفووق كيتفرجوو يكونو نعسو داباا
زهور:شكرا اختي
طلعاات كتزرب طلات على ولدها وكملات لفووق دخلات بلحس لقااتو نااعس باستو فحنكو لقاتو داافيي
مجيد(بصوت تقيل عياان )جيتيي
زهور:علاش مقلتيهاش ليا نجي معاك ملي نتا عياان ...بقا بالي كلو معاااك
مجيد(خرج ايدو من تحت لفراش وحطها فوق ايدها لي على كتفوو وداعبهاا)غير شوية لبرد دغيا غيفووت ...اجي نعسي اتكوني عييتي
ناضت بدلات حوايجهاا وتخشات حدااه جرهاا عندوو وعنقاتو وطفات الضو وعقلها مبغاش يطفاا كاع الافكار كيطيحو فبالهاا وتزير على عينيهاا بجهد وتنعل الشيطاان وتقرا القرأن وتفكر مجييد شراب حرام الشيشة حراام لحشيش حراام مكيصلييش باش غيلقاا الله الى مشا حتى داتو موت الغفلة ....بداو دموعها كيهبطو بسكات شوية بداو تنخصيصاات كيحس بيهم مجييد حيت حاط راسو فوق صدرهاا حل عينييه وتقاد فبلاصتوو شعل لفييوز لقاها كتمسح فعينيها:زهور طيبتي عينيك بلبكاا ...نوضي غسلي وجهك ...لموت راه كلنا غنموتوو ...نوضي(قرب جيهتهاا وتخشات فيه كتبكيي وهوا كيمسح على شعرها ويرطب معاها)وصاافيي احبيبة وااه نوضي غسلي وجهك واجي نووضي
نوضها بزز مشات لدووش لاح لفرااش وحط رجليه فلرض يالله بغا ينوض دااخ وشد جبهتوو... تحس بيها كلساات على ركابيها قدااموو وشدات ليه ايدو وبااستهم وهوا متبعهاا وقالت بصوت مرعد بلبكاا: الله ارحم باااك امجيد هئ هئ حيد لببليية عفااك عفاااك خئ هي بغيتكش تخلينيي هئ هئ
💞 زهرة عمري
💞 البارت 298
مجيد(ضحك)امالكيي ابنتي واش حلمتي بياا
زهور:مكنضحكش هئ هئ نولد ليك تعشرة ولكن حيد شراب حيدوو عفااك هئ هئ ..مبغيتش ربي يسخط علييك (انفاجرات بلبكااا على ركابييه خلاتوو مصدووم فيهااا كتبكيي بهستيريية وكلها كتراعد هزات راسهاا لقااتو كيشوف فيهاا طلفات من ايدو وشدات ليه وجهوو ودموعها تلقااو) تواحد مبقا عارف راسو امتا غيمووت وانا مبغيتش ربييي يغضب علييك بغيتك تبقا معاياا ...ببغيت وخة نموت نبقا معااك ...متاحد معارف راسو فين غيمشيي وخة هكاك بغيت نكون معاااك هئ هئ الله ارحم ميمتك امجييد (عنقاتو وزيرات عليه)نديير لي بغيتييي ...معمري نخسر ليك.خااطرك تافكلمة وحدة هي بعد من لحرااام عفااااك عفاااك
أنت تقرأ
قصة 💕 زهرة_العمر 💕 بالدارجة المغربية
ChickLit♥️مكتملة♥️ 🌺🌺🌺🌺🌺🌺زهرااااتيييي🌺🌺🌺 #عشاق_القصص_الواقعية_دات_عبرة_اجتمعوو #لبنى_السرابي🌺🌺🌺🌺🌺#زهرة_العمر فكل قصة كنعطيكم لقب كيخص القصة ههه هااا نحن من جدييييد فقصة من نوع اخر عن قصة حقيقة لامرأة عاشت قدامي وشفت معاناتها وعشتهم معاها...
