قصة 💕 زهرة_العمر 💕 بالدارجة المغربية

💞 الفصل 38 💞

💞 زهرة عمري

💞 البارت 217

ادن لفجر وصلاة النااس نزل مجيد لابس شوورط وفوقو كندوور شادهاا فايدو وساعتوو مدوش ومقااد وهاز لكومبلي فايد مع السبااط علقهم اللور فلباب وخلاهم ركبات الحاجة وتورية مع مجيد او مجد مع نعمان ونطاالقوو مع لفجر قيل ميسخن لحال كان لقااهم فمراكش وقفوو عند عموو راجل كبير فلعمر سمر قح او اللحية بيضة مشا باس لمو راسها وسلم على مجييد كان الحوار كلوو بالامازيغية من غير تورية لي كتجاوب بلعربيية وخة كتفهم

ابراهيم:ومزياان اولدي زواااج راه سترة والله ملي قلتيها فرحت لييك

مجيد:هههه كنتو خايفيني نبقا بلا زواااج ولاا

ابراهيم:وشكون عرف هههه اللهم بارك اولدي اللهم بارك

مجيد(ناض)انمشي عند امين نلقاكم واجدين دغياا

وداكشي لي كان مشا مجيد عند اميين لبس وتقااد وتريح ومشط شعر واللحية قادهاا طراساهاا تصفر امين من اللور وقال

امين:كون كنت بنت نتزعط فيييك العشير جيتي زاز لوز (قاد ليه لكوول تاع لفيستاا) خاصني شي واحد بحال هداا نضربها بشي تزويجة تاني توحشت زهووو تربطت بهاد خيتيي

اسية(دخلات)والله تانعميهم ليك درتي تا عقلك بقا ليك هي التانية وتا نووض لبس حوايجك

مجيد:بنادم كيدور على خلا عشتو بارد

امين(حك رااسو كيضحك وضرب فكرش مجيد لي بانت شوي مامعيقاش وقال: لا لا شرفتيي لكرش بتخرج

مجيد:دخل سوف راسك اخاا

خرج كيضحك ونزل كيتسنااهم براا هز تيليفونو كيصوني ويعاود لزهوور مكتجاوبش لقاها مخلية ليه ميساج بلي اتخلي تيليفونها عند حسناا رجعو لجيبوو تنزلوو صحابو مبدلين ومقااديين ركبو معااه ومشاا لدار عموو لقااهم لابسيين ومقاديين كيتسنااوه شدو طرييق مجموعين بجوج طموبيلات مدكسيين ...

في حين زهور كانت كدير اللمساات الاخييرة فلبييت لابسة قفطان تاع لعريساات بيض ومنفووخ من لتحت بحال شي غوب ولفووق حجيراات فلفضي وسبااط فضي طالع سمطة مرصعة بلحجر راخفة شعرهاا وزغيباات مزلعيين وتااج تهوا فضي مع اكسسورات فلعنق او لودنين ن وجهاا الداائري لمزين بمكيااج مناااسب ليهاا عكر مااط غووز ولعينين مجبدين ومكحليين وشفار طاالعين

-طلعتي غزااااالة تبارك الله طاح عليك السر

زهور(بتوتر)شكرا ...يكما كتير لماكيااج

-ويلي جااك فن يشوفك يتلف (عطاتها نشاشة)هاكي نشي راه الصهد ليسيح ليك لكحل

دخلات حسناا تهياا مقادة ومصااوبة شافت ختها وزغرتااات تمقداات وقالت:وداباا عاد تاتباني عروووسة علئ حقها وطرييقهاا