قصة 💕 زهرة_العمر 💕 بالدارجة المغربية

🌺الفصل 21 🌺

💞 زهرة عمري

💞 البارت 122

زهور(تبسمات وهبطات راسها)لا علاش

مجيد:صافي ندييك

زهور:اه تعطلت بزااف

مجيد:مخفتي والو غنوصلك تالباب داركم

دخلات كوتر على غفلة ولققاتو كيشوفيها وييتبسموو مفهمات والوو ...مشات زهور هزات صاكهاا وسلمات عليهم وخرجات كان لبرد وضلام تسنات مجيد خرج وتبعاتو لطموبييل حل ليها لباب وركبات عاد مشا لبلاصتوو وزادوو ساكتييني وضلام وسكاات غير ضواو تاع لمدينة وبعض الطموبيلات ..شافت فيه لقاتو ساكت كيعض فشنوفتو لتحتانية

زهور:شحال داباا باش مات لمرحوم

مجيد(تنهد) شي 13 لعام داباا (حك لحيتوو بصبعو وشافيهاا)دغياا لوقت كيدوز بحال الى غير ليووم وصلاتنا خباروو (سكت شوية وسااط)غفلناا

زهور(باسى)الله ارحموو ..قالت لياا لالة راضية مات بكسيدة

مجيد:ممم طاح ليه الطونسيون فطريق وتقلبات بيه الطموبيل(تنهد)ديجا كان مريض ومات فلبلااصة الله ارحموو .. بغاه الله داه الله ...عرفتي ازهوور لخاايبة كاع هي تكون سهران مع صحاابك فمدينة خرى تكيقولو ليك جي راه بااك ماات ..لحد الساعة هداك لي صونا وقالها بهاد الطريقة هادي مكيدووزش لياا وعمي يا حسرة ..الله اعميهم ليه

زهرة:لمكتااب

مجيد(حبس الطموبيل ودار جيهتهاا كيشوفيها) معرفنا اش مزال مخبي ليمنا هد لمكتااب

زهور:كل خير ان شاء الله (شافت راسها وصلاات محساتش بطريق مع لهدرة وضلام والزنقة خاوية خافت )

مجيد:صبري نزل معاك متمشيش بوحدك

زهور:لا لا هيي خلييك يقدر يشوفنا شي حد او ينويها عوجة

مجيد:او لانواها كااع اش بيزيد فيك ولا ينقص فييك (حيد السمطة وحل لباب) تعلمي ديري ليكالها ليك راسك ومتبقايش تكولي حشومة وعيب مصلاحتك هيا اللولة افريخة شتاا

هزات صاكها مبتااسمة خلاها تهبطات وسدد الطموبيل وتمشا معاهاا وهيا كتشوف فجنابها وهوا حاضيهاا كي خايفة من خياالهاا وقال:انا بغيتهم يشوفوك باش يعطيوك التيسااع

زهور(هزات عينيها فيك مبتاسمة)علاش

مجيد(شافيها)حيت تيشوفو شي بنت داخلة سوق راسهاا تيبغيو يضسرو عليهاا

زهور:عرفت ولكن خفتهم يقولوها لعمتيي ولا شي حااجة

مجيد:عاادي ازهوور قوليها وصلنيي وصافيي مبقيتيش صغيرة لديك الدرجة باش يخافو علييك

زهور(تنهد)نتا معارفش بااا بزز باش مخليني هناا ولا مشات توصلاتو شي هدرة يجرني من شعريي هه