قصة 💕 زهرة_العمر 💕 بالدارجة المغربية

💞 الفصل 63💞

💞 زهرة عمري

💞 البارت 359

مجاوبهاش تلف وهوا كيقلب على بزطاموو شد رااسو ومشا لجيب السروال جبدوو وخشا فرجلو بانطوفة ديال الدار ومشاا عندها حاول يوقفها وغوتات وهزهاا وخلا لباب محلول ديال الدار وحل السانسور وقفهاا شويةةكينهج وكيحاول يهدنها اما هوا صفار والفم نشف خلعة من نوع اااخر ...كيفاش متحركاتشش من قبييلة وهياا حركتها مكتزكاش نهار وليل فينما يحط ايدو على كرشها كتبدا تحرك ...محكرش على الطيحة حيت لسانو تعقد وماشي وقت لغوات داباا حل الطموبيل من لبعييد شافو لعساس وتبعو بجري حلي ليه لباب لزهور تركبهاا وقال:عبد الكبيير طلع سد ليا لباب خخليتو محلول

_كون هاني صافي ميكون بااس ميكون بااس

مشا كيجري طلع لحداها تلف على لكونطااكط فين طاح ليه لقاه فايدوو نيت

حدو غوت تقفزهااا وخبط على لفولوون وقال:مكتعرفييش تصوني عليااااا ديك السااااع ...نكون توصت القرينة لكحلة صوني لياااا

مجاوباتش حيت جهد معندهااش يالله كتنفس وكتدعي فخاطرها ودمووعهاوشافين طريقهم ....كان دوز تيليفوون لطبيبة ديالها وشرح ليهاا اش وقع وقطع معااها كيمسح على شعروو وبرااسوو كيطلب الله يكون لبيبي بخير ....كيتسنااه بشووق لا يووصف ومباغيش يتصدم فاول فرحة لييه ...فرانا بجهد قدام لكلينييك ونزل بشوورط ولبانطوفة ار جيهت زهور وخرجهاا بشوية

مجيد:بشويية ... شدي فياا نهزك

ششدات فييه وهزهاا دخلهاا طلعها لطاج التااني لمخصص لمراقبة الحمل ولولاادة دخلووها وبقاا واقف كيمشي ويجي تشاف طبيبة دخلات عندها كلس فلكرسي كيطلب ويدعي فخااطرو عاض فصبعو مبرد فيه لغدايد ويرجع يوقف فلكولوار ولفرمليات كيدوزو من حداه غادين جايين ...صونا تيليفونوو ولقا نمرة تورية وجاوب مخلاتوش يهدر

تورية:واش تزاد عليهاا لحااال فين ديتيهااا ...كاليا نعمان ملقيتهمش فالدار او لعساس كاليه خرجهااا

مجيد:انا فلكلينييك شدها لحرييق ...من بعد ونتفااهموو على داكشيي

قطع عليهاا خلاها كتغليي بقات لاصقة فنعمان تصونا ليه جاوبوو وقاليه فين كااين وناضت تورية مشات لكلينيك محس بيهاا تجااية صفرة كتر منوو

تورية: رااه خاافت منك مبغاتش تكولها خافتك تعصب عليهاا..

مجيد(بغا يغوت ورجع هبط صوتو معصب) وعجبك دابااا معرفنا اش واااقع تبرد فيها الدم او طرا لي طراا ....تالبنت متحركاتش فكرشها وصابرة على لوجع واش هدشي اتورية يسكتو عليه الناااس هيا خافت ونتي اااش اشش

تورية:ربي لما برد ميوقع والو ان شاء الله الله احفض ياربي الله احفض

دخل نعمان كدالك كيسول فمو اما مجييد طيب لكولوار فسير واجيي كيطرطق فصبعانو من ستريس تخرجات طبيبة ومشا عندهاا