قصة 💕 زهرة_العمر 💕 بالدارجة المغربية

💞 الفصل 37 💞

💞 زهرة عمري

💞 البارت 210

اددم:وسيييم دفعني حدا دروااج

زهور:الله ياربيي واش كتقلب تجبر رجليك تهيااا (خرجات فيه عينيها)تكلس اللرض تباركت الله ولاا غنهز عيك الصنداالة

عطاتو لخبز وجراتو كلسااتو فوق لكرسي كتمسح ليه فرجلييه

حسنا:نوضي نتي غسلي حالتك راه قريب يدخلوو

زهور:اصلا مغندخلش عندهم اويلي

مريم؛مممم كتحشمي باينة فيك

حسنا:عههه غير هيا متبانيش لييه قبل لفطوور لي صدق صيامو باطل هههه خلي السيد يصوم بخااطروو

زهور:ههههه (غطات وجها كضحك) واش مكتحمووش ...صافي صافي مي جااية سكتوو

رحمة:توما اش باقي كديروو ...راه الناس غدخل درووك

ناضت زهور بدلات لبيجامة بوحدة جديدة فلبيض بااردة او طويلة ودارت زيفهاا على خوتهاا وباهاا وشعرها كيف لعادة خارج كيطل من لقداام

مشات قدات الصاالة وخطات الصينية ولماا هي سمعات باهاا كيقلب على بلغتو وهيا ضربها بسلتة لكوزينة قلبها كيضرب

في حين مجيد كان وصل هاز صاشياات فايدوو نزل كيف لعادة لابس ومريح ومقااد بشوميز بيضة وسروال توب كحل وسباط كيلمع حال صداف لفوقانية من الصهد وبايننين زغيبات من صدروو وطاوي لكمام مكتافي ب براصليي بعقيق كحل رجالي مكيحدووش من ايدو ...رغم راسو لي حاس بيه ايتقسم مكااير ومبسم توجه لبه مصطفى بصوت مرفووع كيدخل ليه لراس بحال شي بووق حدا ودنوو في حين نعمان يبتشتت عليه بالضحك ورااه

مصطفى:مرحبااا سي مجيييد لبااس اولدي اش خباارك

مجيد:الحمد لله

مصطفئ:مزياان بعدااا راك متلفتيييش

مجيد:لا لا متلفتش ..مبروك لعواشر اسي مصطفى

مصطفى:الله ايبارك فييك ...وزيدوو مرحباا لحال سخووون هاد رمضان ذاز شواية

مجيد:هههه اوى اش د ير ...الله اجعلو فلميزان لمقبول

مصطفى:اميين زيدوو

دخلوو فاتجااه الصاالة لي مريحة ومعطرة كان مصطفى سابق وكيعيط على هشاام او محمد تدخلو لصالون ولقااو ادم او ولد الهام كيجرييو فوق سدادر خرجو عينين مصطفى من بلااصتهم وهوا كيشووف فادم كيضرب لمخدة برجلو تطييح فلرض

مصطفئ:ادم ادم(خرج فيه عينيه)نزل لارض نزل

ادم الاخير هي بان ليه مجيد كيضحك من موراا مصطفئ ونقز تا كاالس وسكت

مصطفى(بحرج)خهه دراري ملي كيتلقااو متشدهمش ههه حمم هشااام افينك

مجيد(حط الصاشياات فلقنت وقرب تحنا على ادم بااسو فحنكو وقال:ادم بخير اولديي ههه نتا مصاايمش