قصة 💕 زهرة_العمر 💕 بالدارجة المغربية

💞الفصل 22💞

💞 زهرة عمري

💞 البارت 127

رباب(هزات عينيها فيها)كتعرفيييه

زهور(شافت فيهاا صفرة بغات تبكي وتاترعد)هاا ا ااه مو (سرطات ريقها لي نشف)موو كتخيط عندناا

رباب: واش بصح ..يكما عمرو بسل عليك ...هوا راه عينيه زااايغة بجهد زهواني بو لبناات كل نهار مع بنت فشكل او سكاايريي .. عقلتي على ديك لي قلت لييك شريت ليها صداع معاه(ضحكات) مامشات تجابتهاا فراسهاا فرع ديلمهااا تولات كتبكيي وسيمانة وهياا فدارهم تالبارح مجاتش وتهوا مجااش ...عرفتي كي رجعها شرويييطة تبقا فييك هههه

هداك وااحد ولد لحرام سكااايري وياااك شي نهار يضحك ليك وتحلي فمك فيه هوا اه زوييين وجيبو عامر ولكن عينيييه زاااايغااات

تسمرات زهور فبلاصتها بحال الا خويتي عليها سطل تلما من بعد مكانت ناااشطة فوق السلك ضربها الضو وقلبها بغا يخرج من بلاصتوو

رباب: زهووور تي فين مشيتي

زهور:لا لا والوو ككمليي

رباب:اشغنكمل هه لي عطا الله هوا هداا (رجعات كتشوف فتصاوروو)

اما زهور برد ليها لما فركابي تبنجات وعرقاات رجعات لشلاضة كتكرض فيهاا وعينيها مزاكياتش بلا ايدها لي كيترعدوو ...كلشي تخلط عليهاا ...واش كيضحك علياا يكما باغي مني غير داكشيي ..تفكرات شرلب لي حط حداه ولكارو لي ديما كيكمييه ...ضببو عينيها بدموع حيت فعلاا حسات باحساس زوين معااه وبداا قلبها كيميل الا مكان طاااح فييه ....صعيب تلقا شي حد كيعاملك بعفوية كيف مجييد ..وملي تلقاه تعرفو هي كيكدب

محسات تكانت ضرباات صبعهاا بلموس تغوتات وشداتوو وسمحات لدموعها يطيحو

رباب(شهقات)ويليييي بشوية عليييك

زهور(كلسات كتبكيي وشادة صبعهاا )هئ هئ

رباب:ديري ليه تحميرة باش يحبس هي بشوية اصااحبتي لموس راه جديد واش تقسحتي بزااف لاش كتبكيي

زهور(ناضت لفابوو كتمسح فعينيهاا وتغسل صبعهاا)والو هي تقسسحت بزاااف هء هء

رباب:وردي لبال اصااحبتي

خرجات رباب خلات زهور شادة راسها وحازمة صبعهاا بتوب بيض وكتهزز رجليهاا بتوتر

صونا تيليفونهاا ولقات عمتهاا وناضت مسحاات وجهاا مزياان ولبسات بينوار فوق بيجامها ودارت لقب وخرجات كتجري متصنعة ضحكة نزل ادم من الطاكسي هي شافها ومشا كيجري كيغوت عندها هزاتوو وعنقاتوو كتبوس فييه

زهور(بصوت منغنغ)توحشتيني اولدي

ادم:اه بزااف ههه

نعيمة(سلمات على زهور) طريق كلها مصدعني امتا نوصلو امتا نوصلوو