🌺زهرة عمري
🌺 البارت 96
طلع مجيد لدار لفووق كيلعب مكونيكطي بتيليفونو وكيضحك رجع سدوو ودق فبيت خوه ودخل
مجيد:القراي اشش كتقراا
نعمان:الدميااطيي ههه (ناض سلم علييه ) تاتغبر تاتوحشك جداا (رجع كلس فلبيرو تجاتو دقة لراسو وضحك)
مجيد:وحضيوني امتا جيت امتا خريت بااز
نعمان:تفكير منطقيي ههه
مجيد:مزال مبديتوو
نعمان:لا بدينااا فلول تشهر عشرة
مجيد:اوى جمع راسك مع كنانشك هه
خرج مخليه كيحفض وتوجه لبيتوو لي كان كبيير مجمووع ومرتب وريحت لكارو مخلطة مع ريحتو عاطينهاا رائحة قوية كتعرف شخصيت مولاهاا بيت نعاس كبيير وماريوو كلو مراياات وترية هابطة شوية بجنيع لالوان لي بغيتيي بلا لفيوزات لي ملصقين فجناب لحييط فوطوياات تحت من الشرجم تاع لبالكوون فلبيض ولزرق وطبيلة تاع الزاج هيا لي فاصلة بين سرير ولفطووي حل لباب تاع لبالكوون وخرج هز باكية تاع لكارو وبريكي اليمينيوم حلها ودار كارو فموو مكمش عينو من الضو تحنا على لحديد تاع لبالكون تباانت ليه زهور كتدخل فلمانكاات تيبانو كبر منهاا كيتكيف وحاضيها من لفووق مزال صفرة بلخلعة سدات لمحال هيا ورااضية لي وقفات طموبيل صغييرة وخرجات عاوناتها تسد لباب تاع لحديد خيت قاصح ...ركبو فالطموبييل ومشاوو وهوا طفا لكاروو فحطو فالصندرية او دخل ...
راضية: وصافي متبقايش مخلوعة هدشي راه كيوقع
زهور:خلعوني والله كيسحابني غيديرو ليا شي حاجة ونموت ونخلي ولدي
راضية:الله احفض ملي عطا الله عطااه دابااا حمدي الله موقع والوو وهادي توريناا مبقات تيقة وخة يبان لييك لحي راقي وزوييين تقولي حس شفارة ميدورش بييه بداي ططرقي عليك باب الزاج ومتحلي تاتشوفيي شكوون
زهور:صافي وخة
وصلاتهاا لحيي فين ساكنة زهوور ولاخيرة كملات فحالهاا ومشات زهور ساهية فطريق كترجع احداات ليووماا ويتهز صدرها بلخوف وتزير على صاكها موصلات لداار تصفارت وخضارت بغات هي تشوف ادم وتعنقوو ...طلعات لدار كتجي حلات ولقاتو كيتسناهاا غير شافتو هزاتوو كتبووس فييه وتعنق بحال الى مدة مشافتوو
زهور:احخ على حبيبيي انا توحشتوو ...توحشتينيي مم
حرك ليها راسهاا بااه كيضحك ودخلو لكوزينة لققات نعيمة كتقاد فاتاي سلمات عليهاا وعاوناتها تحولات ومشات بدلات وغسلاات وجات كلساات مكلسة ادم على رجليها كتوكل فيه وتبووس فيه
نعيمة:ربي ماالك ملي جيتي ونتي تبوسي فداك لولد طيبتي ليه حناكو
زهور:غير توحشتو اعمتي نهار كامل غابرة علييه(قاست ليه شعرو لي طوال)خاصني ندييه لحلاق يقاد ليه شعروو شوية باش ندوش لييك....
أنت تقرأ
قصة 💕 زهرة_العمر 💕 بالدارجة المغربية
Literatura Feminina♥️مكتملة♥️ 🌺🌺🌺🌺🌺🌺زهرااااتيييي🌺🌺🌺 #عشاق_القصص_الواقعية_دات_عبرة_اجتمعوو #لبنى_السرابي🌺🌺🌺🌺🌺#زهرة_العمر فكل قصة كنعطيكم لقب كيخص القصة ههه هااا نحن من جدييييد فقصة من نوع اخر عن قصة حقيقة لامرأة عاشت قدامي وشفت معاناتها وعشتهم معاها...
