قصة 💕 زهرة_العمر 💕 بالدارجة المغربية

💞 الفصل 66💞

💞 زهرة عمري

💞 البارت 376

حلات فمهاا كضحك ومعرفات متقوول جرهاا وجها مزنك دخلها لقااعة كلشي وااقف قشعات سلمى واقفة مع رميساء من بعييد واشارت ليهم بايدها كضحك ...

ضغط على ايدها وهبط راسو عندها وقال:خليك ديالي ليوم

زهرور:بضحكة )انا ديما ديالك

ضحك وتوجه بيييهاا لوسط لققااعة كانت جيهة فيهاا لجووق كيقاد فبلاصتو استعدادا باش هي يسكتوو دقايقية ويبداو وفعلا هي وصلو لوسط لقااعة سكتوو ورجعو لحدا لجوق وبداا صلاة على نبيي دورات زهور عينيها وبانو ليها ربعة دراري لابسين ومقادين بسلهاام بيض وطرابش حمرين وعماارية كتبان كتبري بضواو لقاعة لي كيتبدل لونها ونكافات كيصليو على نبي فلحضة ضاروو بيهم دراري وهيا مبهووضة كان حلمها تركب على لعمارية وليوم غيتحقق شداتها لفرحة من صبع رجليهاا طلق منها مجيد وجروها النكاافات بزغاريد وتعشااق دارووها وسطهم ركبوها فلماارية لي كانت عامرة بلورد بلواان كلسو وقادو ليهاا لكليسة ديالهاا ...هزوهاا لفوق بغفلة تاشهقات بلخلعة بدات كتشير ليهم وكضحك وكتهز لورد وترمي علييهم ...تقابلات مع مجيد ورسل ليها بوسة هبطات عينيها كضحك

مشا الاخير عند رحمة هز بنتوو باسهاا كيدابز معاها تفييق السعاتي نااعسة غطا ليها وجها بايزارهاا وخلاها فلحفض والصون وشد ادم فايدو شدو معاااه

كلشي نااشط كلشي فرحان كان لجو مخلط شلوح وصحراوا وعرب

نعمان:مامشيتي تجمعتييهم فعرس واحد

مجيد(ضحك) سوسي ولد صحراوية داها عربية موعو شوية وااه ههه

ضحك ومشا لجيهت رميسا وقال:زوينة ديالي

رميسا(ميقات)عاد تفكرتيهاا ...فين كنتي شهر هداا

نعمان(ضحك)لخنفووسة تاع بنت مجيد دات لينا لعقل هي سمحلييناا الالة رميسااء حقك علياا بشي بووسة نفدي فسك لقديم وجديد

رميساا(ضحكة الصفرة)عاودها لجيهة ضرااك

طرشها بضهر ايدو بالضحك وكملو السهرة ...

نزلو زهور بعد جولة فلقااعة بلعماارية شدها مجيد من ايدهاا توقفاات وجرها لجيهت لمدعويين كيعرفها بصحاابو وفقط كتسلم من بعييد وصافيي مكتمدش ايدهاا ...مشات لعند سلمى سلمات عليها وقالت:فين لبنات

سلمى:كيمششيو ويجيو مشادين تقنت ههه بصحتك غلالة لعرووسة اوى هاهياا لعمارية لي كضلي تحلمي بيها هههه كيجاتك

زهور:زويينة ههه

مجيد(جرها من ايدهاا)اجيي معااياا واحد دقيقة

استادنات من سلمى ومشاات معاه عرفها على بقية عمامو وخوالو لي عمرها شاافتهم اول مرة ....طلعات لشومبر لفووق. شدات امنية رضعاتهاا تسكتات وعطاتها لمها لبسوهاا الزي الامازيغي مع النقرا لي شراات من تيزنييت والنقرة لي عطاتها تورية ونزلات لتحت كان فوللكلوور. اخر غير لي خلاات هدا سوسي مئة في المئة ..احواش وما ادراك ما احوااش جوج منهم نساا لابسين لبااس مكون من قفطان احمر وفوقو ايزار ابيض من خصرهم او قتيب بلصفر على راسهم والنقرة