ALPHA :MY HUSBAND [ BL ]

8

"တုတု Tom & Jerry ပဲ ကြည့်မှာ"

"ဟုတ်ပြီ ကိုကို ပြောင်းပေးမယ်"

ဘေးနားက ဆိုဖာပေါ်မှာ ထိုင်နေသည့် ဟန်မှာမူ ထိုနှစ်ယောက်ကို ကြည့်၍ တော်တော်အမြင်ကပ်လာရ၏။

မနက်ထမင်းစားလည်း ကပ်။ယခု TV ကြည့်တော့လည်း ကပ်နေတာခွာမရ။

ဟိုကောင် ဟန်ရှင်းရတုကလည်း သက်ပုံခြယ်က အလိုလိုက်တာနဲ့ အနားကမခွာဘဲ လိုချင်တာ ပူဆာနေလိုက်တာ ဆိုတာ ဆူညံနေရော။ဒါကို သက်ပုံခြယ်ကလည်း သဘောတွေကျပြီး မငြင်းဘဲ လိုက်လုပ်ပေးနေသေးတယ်။

Mateဖက်ဖြစ်သည့် ဟန်တောင် သူ့လောက် သက်ပုံခြယ်ကို မကပ်။

"ကိုကို တုတုအိပ်ချင်ပြီ"

"အဲဒါဆို ကိုကိုတို့ အိပ်ခန်းထဲသွားကြမယ်လေ"

"ဟင့်အင်း... တုတု ကိုကို့ပေါင်ပေါ်မှာ အိပ်မယ်လေ"

"ဟိတ်ကောင်!"

လာလေဟု သက်ပုံမပြောရသေးခင်မှာပင် ဟန်ငြိမ်းကို ထံမှ အသံထွက်လာလေ၏။

ကိုယ်တောင် အသားမယူရသေးတဲ့ လူကို ကိုယ့်တူလုပ်သူက အသားယူနေတာကြောင့် ဟန် မနေနိုင်တော့။

"ဟင့်... တုတု အိပ်ခန်းထဲမှာပဲ သွားအိပ်တော့မယ်"

ကိုကို့ပေါင်ပေါ် အိပ်ချင်လို့ ဉာဏ်ဆင်လိုက်ပေမဲ့ လေးလေး ဟန်ငြိမ်းကို၏ လူသတ်လိုသော အငွေ့အသက်များကြောင့် တုတု ဟန်မဆောင်ရဲတော့ချေ။

တစ်ဖက်က သက်ပုံခြယ်သည်လည်း အနည်းငယ် တိတ်ဆိတ်နေကြသည့် လေထုကြောင့် မနေတတ်တော့ဘဲ ဝင်ပြောရလေသည်။

"ဟုတ်ပြီး ကိုကို အပေါ်ထပ်ကို လိုက်ပို့မယ်နော်"

"ဟုတ်"

"နေဦး သက်ပုံခြယ်"

သက်ပုံ တုတုလက်ကို လှမ်းဆွဲစဉ်မှာပဲ ဆိုဖာပေါ်မှာ ထိုင်နေသည့်လူက တုတုကို ဆွဲထားသည့် သက်ပုံ၏ လက်ကို ဆွဲကိုင်ကာ ပြောလာ၏။

သက်ပုံအား အပေါ်မှ ငုံ့ကြည့်ကာ ဆွဲထူလာသောကြောင့် ထိုလူ၏ မျက်နှာကို သက်ပုံ မော့ကြည့်နေရသည်။

သူ့မျက်နှာက စိတ်အလိုမကျသည့် အရိပ်အယောင်များနှင့် မျက်ခုံးနှစ်ဖက်မှာလည်း တွန့်နေ၏။