ALPHA :MY HUSBAND [ BL ]

3

"ဟား...ဟား  တစ်သန်းက မင်းအတွက် ဘာမှ မဟုတ်ပေမဲ့ ဒါက အစပျိုးခြင်းပဲ ဟန်ငြိမ်းကို"

ဝိုင် တစ်ခွက်ကို လက်မှာ ကိုင်ရင်း အပြင်ဘက်က ကားများ သွားလာနေသည်ကို ကြည့်၍ ရယ်နေသောလူဟာ အသက် ၃၅နှစ် ဝန်းကျင် လူကြီးတစ်ယောက်ပင်။ တဆက်တည်း ခြေထောက်နှစ်ဖက်ပါ မသန်တော့သည့် လူတစ်ယောက်ဖြစ်ပြီး ဝှီးချဲကို အားပြုကာ ထိုင်နေရ၏။ 

Suit နက်ပြာရောင်ကို ဝတ်ထားပြီး ဝှီးချဲ လက်ကိုင်ကို လက်တစ်ဖက်က ကျစ်ကျစ်ပါအောင်ဆုတ်ရင်း ယခင်ကအကြောင်းများကို ပြန်တွေးမိတော့ နားထင်မှ သွေးကြောများ ထောင်ထလာလေသည်။

"H Family ပြိုကွဲစေရမယ်"

ထို့နောက် အခန်းထဲတွင် Alpha Pheromonesဟာ ရန်လိုမှုများဖြင့် ပြည့်နှက်နေပြီး လွင့်ပြယ်နေလေ၏။

'ဒေါက် ... ဒေါက်'

"ပါးပါး ကျွန်တော်ဝင်လာပြီနော်"

"လာခဲ့"

တံခါးအပြင်မှ အသံကြားသည်နှင့် အခန်းထဲမှ Pheromones များသည် အစအနမရှိ ပျောက်ကွယ်သွားလေသည်။

"ပြန်လာပြီလား"

"ဟုတ်ကဲ့ ပါးပါး ၊ ကျွန်တော် အပြင်မှာ ဟန်ငြိမ်းကိုရဲ့ အိမ်ထောင်ဖက်နဲ့ တွေ့ခဲ့တယ်"

"အဲတော့...."

"ဟင့်အင်း ပါးပါးကို ဒီတိုင်းလာပြောပြတာ"

"သွားလို့ရပြီ"

"ဟုတ်ကဲ့"

အခန်းတံခါးကို သေချာပြန်ပိတ်ကာ အနောက်တောင်လှည့်မကြည့်ဘဲ အမိန့်ပေးနေသော ပါးပါးကြောင့် အပြင်သို့ပြန်ထွက်လာရ၏။

အစက သက်ပုံခြယ်အား ဟန်ငြိမ်းကို၏ omegaဟု မသိခဲ့သော်လည်း ကားထဲသို့ ‌ပွေ့ခေါ်သွားပုံအရ အန်တီဟန်နီနွေးပြောသည့် ကောင်လေးပင် ဖြစ်ရမည်။

ဟန်ယိမ်းစေက မိဘနှစ်ပါးလုံးက Betaဖြစ်သောကြောင့် သူကိုယ်တိုင်လည်း beta တစ်ယောက်ဖြစ်လာခဲ့သည်။

မားမားဆုံးပြီးနောက် သားအဖနှစ်ယောက်တည်း နေလာသည်မှာ ယိမ်း၏အသက်၁၀နှစ်ကတည်းပင်။ ယခုဆိုလျှင် ပါးပါးနှင့်နေလာရသည်မှာ ၁၀နှစ်နီးပါးရှိလေပြီ။