ALPHA :MY HUSBAND [ BL ]

18

 [ 18+ /rape case၊ မဖတ်ခင် ပြောချင်တာက ဒီအပိုင်းက စာတွေကို Ssရိုက်ပြီး ဘယ်နေရာမှာမှ မမျှဝေပါနဲ့ဗျ။  ]

"ကွာရှင်းစာချုပ်မှာ လက်မှတ်ထိုးလိုက်"

သက်ပုံမယုံနိုင်သလို ဟန်ငြိမ်းကို ကိုကြည့်နေမိသည်။

လွန်ခဲ့သည့် တစ်ပတ် ၊ သက်ပုံဆေးရုံက ဆင်းတုန်းကတောင် သက်ပုံအပေါ် ကောင်းနေသေးသည့်လူက ယခုတော့ ရှေ့နေတွေရော သူ့အတွင်းရေးမှူး လှိုင်းအက္ခရာကိုပါ ခေါ်ကာ အိမ်အထိလာ၍ ကွာရှင်းစာချုပ်မှာ လက်မှတ်ထိုးခိုင်းနေသည်။

"ကိုကို ခင်ဗျား အသက်ကို နောက်နေတာလား ဟင်"

"သခင်...အဟမ်း ၊ ညီလေးသက်ပုံခြယ်ခင်ဗျ ဆရာက အတည်ပြောနေတာပါ"

ဤရက်ထဲ ကွန်ပြူတာရှေ့ ခေါင်းနှစ်နေရသည့် ကောင်းမြတ်ထူးဟာ ကြိုးဖြင့်တွဲထားသည့် မျက်မှန်ကို တပ်ဆင်နေရ၏။မျက်မှန်ကို နှာရိုးပေါ်မှ လက်ညှိုးတစ်ချောင်းဖြင့် ပင့်တင်ပြီး သနားစရာမျက်နှာငယ်လေးဖြစ်နေသည့် ကောင်လေးကို အဖြေပေးလိုက်ရသည်။

"ခင်ဗျား ရက်စက်တယ် လူယုတ်မာကြီး အဟင့်"

ထိန်းမထားနိုင်စွာ မျက်ရည်တွေကျလျက် Alpha၏ ရင်ဘက်ကျယ်ကျယ်ကို လက်နှစ်ဖက်လုံးဖြင့် အားကုန်သုံးကာ ထုရိုက်နေ‌မိသည်။ alpha သည် သက်ပုံထုရိုက်နေသည်ကို တားမလာခဲ့။

ဒီရင်ခွင်သည် လွန်ခဲ့တဲ့ တစ်ပတ်က သူမှီအိပ်ခဲ့သောနေရာ။ခဏ ခဏ ခိုးနမ်းနေမိခဲ့သည့်နေရာ။

"ကျွန်တော့်ကို ကွာရှင်းတာ ၊ အဲ လှိုင်းအက္ခရာကြောင့်မလား"

ငိုသံစွတ်နေသည့် အသံဖြင့်မေးလိုက်တော့ ဘေးမှ လှိုင်းအက္ခရာမှာ ကြက်သီးထနေမိသည်။

"မင်း ကလေးအရမ်းဆန်လွန်းတယ် ၊ မင်းအဲလို ကလေးဆန်တာကိုမကြိုက်တာ"

သူ့စကားတိုင်းက သက်ပုံကို သတ်နေသလိုပဲ။

အရင်ဘဝကရော အခုရော သူက လှိုင်းအက္ခရာကိုပဲ ချစ်နေခဲ့တာ။ သက်ပုံပေါ် ဘာစိတ်မှရှိမနေဘူး။ သက်ပုံကသာ သူ့ကို အရမ်းတွေချစ်မိနေတာ။