ALPHA :MY HUSBAND [ BL ]

12

ရေမွှေးကုမ္ပဏီတွင် ရှယ်ရာရှင်များအတူ အစည်းအဝေးလုပ်ကြလေသည်။အပြင်ဘက်မှ ပြဿနာများကို ဖြေရှင်းပြီးပါသော်လည်း ကုမ္ပဏီအတွင်း ကိစ္စများသည် ထင်သလောက်မပြီးပြတ်သေးပေ။

CEO ဖြစ်သည့် ဟန်ငြိမ်းကို အခန်းထဲဝင်လာသည်နှင့် တစ်ယောက်တစ်ပေါက်ပြောနေကြသော လူများသည် တိတ်ကျသွာ၏။။

အတွင်းရေးမှူးဖြစ်သည့် လှိုင်းအက္ခရာမှာလည်း ဟန်ငြိမ်းကို၏ ဘေးတွင် ယှဉ်တွဲပါလာပြီး လက်ထဲတွင်လည်း ရောင်စုံ ဖိုင်များကို ကိုင်ထားလေသည်။

ကောင်းမြတ်ထူးမှာမူ အနောက်ကသာ ခပ်သုတ်သုတ်လိုက်လာ၍ ဟန်ငြိမ်းကို ထိုင်သည့် ခုံဘေးတွင် ကျောက်ရုပ်ပမာ မတ်တပ်ရပ်နေ၏။

"အစည်းအဝေး စမယ်"

ဟန်ငြိမ်းကို စကားအဆုံးမှာ လူများသည် သူတို့ထင်ကြေးများနှင့် ထုတ်ကုန်များအကြောင်းပြောလာလေသည်။

"CEO အနေနဲ့ ဒီလို လျစ်ဟာမှုတွေရှိလာအောင် သေချာဂရုမစိုက်နိုင်တဲ့ အတွက် ကျွန်တော်ကတော့ CEO ပြောင်းရင် ပြောင်း ၊ မပြောင်းရင် ရှယ်ရာတွေ ပြန်ယူချင်တယ်"

"ကျွန်တော်လည်း အဲလိုပဲ ထင်တယ် ၊ ဒီကိစ္စက အတွင်းလူကြောင့်လို့သာပြောတာ တကယ်တမ်း အဓိကလူကိုလည်းမဖမ်းမိခဲ့ဘူး ၊ ဒါ့ကြောင့် ကျွန်တော်ကတော့ ဒါဟာ အရည်အသွေးနိမ့်တဲ့ ထုတ်ကုန်တွေကို သုံးထားတယ်လို့ပဲ မြင်တယ်"

"ဟုတ်တယ် ကုမ္ပဏီရဲ့ နောက်ကွယ်မှာ လာဘ်စားနေတာလား ၊ ဒါမှမဟုတ် ထုတ်ကုန်တွေကို အရည်အသွေးနိမ့်တွေသုံးပြီး ပိုက်ဆံတွေ ဖြောင်နေတာလား တစ်ခုခုပဲ"

ရှယ်ရာရှင်များ၏ စကားများကြောင့် လှ်ိုင်းအက္ခရာ၏ နှုတ်ခမ်းထောင့်များမှာ ယောင်ယောင်လေးပြုံးနေတော့၏။

မကြာခင် ဒီကုမ္ပဏီသာ ဒေဝါလီခံလိုက်ရရင် ဟန်ငြိမ်းကိုရဲ့ လက်တစ်ဖက်ပြုတ်သွားမှာ။

"ကောင်းပြီ ၊ လှိုင်းအက္ခရာ အဲလူတွေရဲ့ နာမည်မှတ်ထားပြီး ရှယ်ရာတွေ အကုန်ထုတ်ပေးလိုက်"

ဟန်ငြိမ်းကို၏ စကားကို ကြားသည်နှင့် လှိုင်းအက္ခရာ၏ မျက်နှာမှာ ဆယ်စက္ကန့်လောက် ပျက်သွားရသည်။