ALPHA :MY HUSBAND [ BL ]

17

သက်ပုံ ဘယ်‌နေရာရောက်နေလဲ မသိပေ။ အပြာရောင်သမ်းနေသည့် သစ်တောထဲရောက်နေပြီး မည်သည့်အရာလဲ သည်းသည်းကွဲကွဲ မသိသည့် အငွေ့ဖြူဖြူတွေ ရစ်သိုင်းနေကာ ဘာမှကောင်းကောင်းမမြင်ရချေ။

သက်ပုံအရှေ့ကို လျှောက်သွားမယ်ပြင်တော့ ထူးဆန်းလွန်းသည့် သူ့ခန္ဓာကိုယ်ကြောင့် အရှေ့သို့ မှောက်ကျသွားလေသည်။

ဝှက်? ဝှက်သယ်ဖာခ့်! ငါက ခြေထောက်လေးချောင်းနဲ့?

သူ့ခြေနှစ်ချောင်းကို မြှောက်လိုက် လက်နှစ်ချောင်းကိုမြှောက်လိုက်နှင့် ကြည့်ပြီးသည့်နောက် သူဟာ ခွေးတစ်ကောင် သို့မဟုတ် ဝံပုလွေတစ်ကောင်ဖြစ်နေကြောင်း သိလိုက်ရ၏။

အဖြူရောင်အမွှေးတွေဟာ တော်တော်လေး လှတာတော့ ဝန်ခံရမည်။

လမ်းစမ်းလျှောက်ပြီးသည့် နောက်မှာ သရဲရုပ်ရှင်တွေထဲကလို အငွေ့တွေအနောက်မှ ကြီးမားသည့် အရိပ်အမည်းကြီးတစ်ခုကို တွေ့လိုက်ရလေသည်။

အလိုလိုထောင်နေသည့် နားရွက်နှစ်ဖက်လုံးကုတ်ကျသွားကာ အရှေ့ကိုဆက်မလျှောက်နိုင်တော့သလို အနောက်ကိုလည်းဆုတ်မရတော့။

အရိပ်မည်းက တဖြေးဖြေးသက်ပုံထံ တိုးလာပြီးနောက် ရွှေရောင်မျက်ဝန်းတစ်စုံနှင့် မီးခိုးရောင်ဝံပုလွေတစ်ကောင်ဆိုတာသိလိုက်ရ၏။

တဖြေးဖြေး သက်ပုံအနား ခေါင်းတိုးလာပြီး သူ့နှုတ်သီးဖြင့် သက်ပုံနှုတ်သီးကိုထိထားကာ နဖူးချင်းထိထားပြီးနောက်

"ပြန်သွားတော့ ဘေဘီ"

ဟန်ငြိမ်းကို၏ အသံကို သက်ပုံနောက်ဆုံးကြားလိုက်ရပြီးနောက် ရေနစ်သလို မွန်းကြပ်မှုနှင့် အတူ အလန့်တကြားရုန်းကန်ကာ မျက်လုံးတွေဖွင့်လိုက်တော့ ဆူးရှသည့်မီးရောင်နှင့်အတူ မျက်နှာကြက် အဖြူရောင်တစ်ခုကိုတွေ့လိုက်ရသည်။

တစ်ဆက်တည်း ထိုးကိုက်လာသည့်ခေါင်းနှင့်အတူ ဝင်ရောက်လာသည့် မှတ်ဉာဏ်များကြောင့် မျက်လုံးကိုပြန်မှိတ်ကာ အသံထွက်သည်အထိ ငြီးညူလိုက်မိ၏။

နောက်ဆုံးတော့ သူက ဘယ်သူလဲဆိုတာသိခဲ့ရပြီ။

ဟန်ငြိမ်းကို၏ ရက်ရက်စက်စက်အသတ်ခံရပြီးနောက်မှာ လေယာဉ်ပေါ်‌ကနေ တောအုပ်ထဲ ပြစ်ချခံလိုက်ရသော သူဟာ အသက်ယဲ့ယဲ့သာ ကျန်တော့သည့်အချိန်တွင် ကြောင်ဖြူလေးတစ်ကောင်နှင့်တွေ့ဆုံခဲ့သည်။