ALPHA :MY HUSBAND [ BL ]

13

စားသောက်ဆိုင်တစ်ဆိုင်အတွင်းရှိ ထောင့်နားက စားပွဲဝိုင်းတစ်ခု၏ မျက်နှာပြင်ပေါ်တွင် သက်ပုံခြယ်၏ ဓာတ်ပုံအသေးလေးသုံးပုံ ချထားလေသည်။

"ဦး ဘာကြောင့် သူ့ပုံလိုချင်တာလဲ"

"ဝနထွဋ်ခေါင်ဆိုတဲ့လူက တောင်းခိုင်းလိုက်လို့"

"အဲလူက သူကိုယ်တိုင် မရိုက်ဘဲ လက်မတင်လေး ခိုင်းနေတာပဲ ဟွန့်"

ကြောင်လေးတွေ ဒေါသထွက်သလိုမျိုး အရှေ့က Omega လေးက လုပ်ပြနေခြင်းကြောင် ရာဇာ အသည်းယားကာ ပါးဖောင်းဖောင်းလေးတွေကို နီရဲသည်အထိ ညှစ်ပြစ်လိုက်၏။

"သူက ကိုယ်တို့ထက် အစွမ်းအစရှိလို့ အမိန့်ပေးနိုင်တာပေါ့ လှိုင်းရဲ့ ၊ နောက်တစ်ခါအဲလိုမပြောနဲ့ အမှောင်ထဲမှာ သူ့လူတွေရှိတယ်"

"ဟုတ်ပါပြီ ၊ ပုံက သက်ပုံခြယ်ကို သတ်မလို့တော့မဟုတ်ပါဘူးနော်"

"မဟုတ်လောက်ဘူး ငါးစားပဲနေမယ်"

"ဘယ်လို ၊ ဦးနော် ဟိုတစ်ခါလည်း ဆိုင်ထိ လူလွှတ်တာ ဟန်ငြိမ်းကို မိသွားတယ်မလား အဲတစ်ယောက်ကလည်း အခုထိ သတင်းအစအန မရတော့ဘူး"

"ဒါတွေ လှိုင်းပူစရာမလိုဘူး ခေါင်းဆောင် သူ့ဘာသာ ရှင်းလိမ့်မယ် ၊ အခုလှိုင်းပူရမှာက သူတို့ကျွန်းကပြန်လာရင် အစီအစဉ်တစ်ခုမှာ ပါဝင်ပေးရဖို့ပဲ"

"ဘာ အစီအစဉ်လဲ"

"ဒါကတော့ ခေါင်းဆောင်ကမပြောသေးလို့ ကိုယ်လည်း သေချာမသိဘူး"

"ဦး ဒါနဲ့လေ"

"အင်း"

လှိုင်းပြောဖို့အရေး တွန့်ဆုတ်နေမိသည်။

ယခင်ဘဝက ဟန်ငြိမ်းကို နာမည်ကို သုံးကာ သက်ပုံခြယ်ကို alpha တွေကြား လှိုင်း ချပေးလိုက်တာပင်။ သက်ပုံခြယ်နာမည်ကို ဦးကိုပဲပြော၍ လုပ်ခိုင်းလိုက်သောကြောင့် ယခင်ဘဝက အဲကောင်လေးကို မမြင်ဖူးခဲ့။

အရင်ဘဝက သက်ပုံခြယ်သေပြီး လှိုင်းက ပြန်ရောက်လာတာဆိုတော့ အခုဘဝမှာရော သက်ပုံခြယ် သေပါက လှိုင်းလည်း ပြန်မွေးဖွားဦးမှာလား။