ALPHA :MY HUSBAND [ BL ]

15

ည ၁၂နာရီတွင်.....

လှိုင်း အိပ်ရာမှ လန့်နိုးလာကာ ရေတစ်ခွက် ယူ၍ အမြန်သောက်ချလိုက်မိသည်။

အိမ်မက်ထဲတွင် အရာအားလုံးဟာ အမှောင်ဖြစ်နေပြီး ဦး ဟာလည်း လှိုင်းကို ထားခဲ့ကာ ထွက်ခွာသွားလေ၏။

နေ့စွဲကိုကြည့်လိုက်တော့ ယနေ့သည် အရင်ဘဝက သက်ပုံခြယ် သေဆုံးသည့်နေ့ပင်။

အကယ်၍ ... အကယ်၍များ ယနေ့ သက်ပုံခြယ် သေသွားလျှင် လှိုင်း ဘယ်လို လုပ်ရပါ့မလဲ။

သူသာသေလျှင် လှိုင်းလည်း ဒီလိုပဲပြန်မွေးဖွားဦးမှာလား။

စိတ်တွေ ရှုပ်ထွေးနေတာကြောင့် ဦးကို ဖုန်းဆက်တော့ ဖုန်းမအားသေးပါတဲ့။

ဒီအချိန်ကြီး ဦးက ဘာလုပ်နေတာလဲ။

သက်ပုံခြယ်ကို သတ်ဖို့များ စီစဉ်နေကြသလား။

အရင်ဘဝက သက်ပုံခြယ်သည် ဒီလိုမျိုး ခရီးမသွားခဲ့။

ယခု ခရီးသွားသည်ဆိုတော့ အရင်ဘဝနှင့် ကွဲလွဲနေ၏။

သူ့ရဲ့ သေခြင်းကလည်း လှိုင်းရဲ့ အသက်နှင့် ဆက်နေမလား။

အတွေးတွေ ရောက်ယက်ခတ်ကာ အိပ်ပျော်အောင်သာ မျက်လုံးမှိတ်ထားရတော့သည်။

*

အချိန်သည် ညနက်နေပြီဖြစ်သောကြောင့် club,barမှလွဲ၍ အိမ်တော်တော်များများ တိတ်ဆိတ်နေလေ၏။

Barတစ်ခု၏ VIP အခန်းထဲတွင် လူနှစ်ယောက်ထိုင်နေလေသည်။

အသက် ၃၅နှစ်အရွယ်လူတစ်ဦးနှင့် ၃၀အရွယ်လူတစ်ဦးပင်။

တစ်ယောက်မှာ ခြွေးများကျနေပြီး တစ်ယောက်မှာ ဒေါသများထွက်နေ၏။

'တောက်စ့်!'

၃၅နှစ်အရွယ်လူထံမှ တောက်စ့် ခေါက်သံ ခပ်ပြင်းပြင်းထွက်ပေါ်လာပြီး မတ်တပ်ရပ်ကာ ခါးထောက်၍ တစ်ခုခုကို ဒေါသထွက်နေလေ၏။

"Omega တွေကို ငါသေချာ သယ်ခဲ့ပါလို့ မပြောခဲ့ဘူးလား ရာဇာ"

"တောင်းပန်ပါတယ်ခေါင်းဆောင် ၊ ကျွန်တော် သတိလွတ်သွားမိတယ်"

"ဟန်ငြိမ်းကိုရဲ့ လူတွေက ဘယ်ကနေ အနံ့ရသွားတာလဲ ၊ လှိုင်းအက္ခရာ ပြောလိုက်တာလား"