ALPHA :MY HUSBAND [ BL ]

6

System { Host သိလား ကျွန်တော် လီလီနိုင်းရဲ့ ပေါင်ပေါ်မှာ မုန့်စားနေတာ အရသာရှိချက် }

'ငါမှာတော့ သတိရလိုက်တာ၊ မင်းကတော့ လီလီနိုင်းဆီမှာ ဇိမ်ကျနေတယ်ပေါ့ သောက်ပူစီကောင်'

System { ပူစီလို့မခေါ်နဲ့၊ လီလီနိုင်းရဲ့ချစ်စရာကြောင်ပေါက်လေးလို့ခေါ် }

'ထွီ ၊ ရွံစရာ'

System { မနာလိုနေတာလား ၊ မင်းမှာလည်း ဟန်ငြိမ်းကို ရှိတယ်နော် }

'‌တော်စမ်းပါ ၊ အဲalpha အကြောင်းမပြောနဲ့'

ဟိုနေ့က အရှက်ကွဲခဲ့တာကြောင့် အဲ alpha ကောင်ရဲ့ နာမည်ဆို ကြားကိုမကြားချင်တာ။ အသက်ဓာတ်က သူကိုင်လိုက်သည့် ပစ္စည်းကနေလည်း ရသောကြောင့် သက်ပုံအတွက် အသက်ဓာတ်ရဖို့က မခက်ခဲပေ။

၂နှစ်ပြည့်ရင် ကွာရှင်းပြစ်မယ် alpha စုတ်။

ယနေ့ သက်ပုံ နေမကောင်းချင်ဖြစ်‌နေသောကြောင့် ဆိုင်ကိုမသွားဘဲ ပူစီနှင့်လီလီနိုင်းကိုပဲ ဆိုင်မှာ သွားကူခိုင်းလိုက်သည်။

နေမကောင်းတာက အရမ်းမဖြစ်သောကြောင့် အိပ်ရာထဲမှာ နှပ်လိုက် ဝတ္ထုဖတ်လိုက်နှင့် အချိန်ကုန်နေ၏။

တီရှပ် အနက်ရောင်နှင့် ‌အသားရောင် ချည်သားဘောင်းဘီ ပေါင်လယ်လောက်ကို တွဲဝတ်ထားပြီး အေးအေးလူလူ ဝတ္ထုထိုင်ဖတ်နေလိုက်သည်။

အပျင်းကျတယ်ဆိုတာ နာမည်သာဆိုးတာ သိပ်ဇိမ်ရှိတာပဲ အဟိ။

ဝတ္ထုထဲ အာရုံရောက်နေတုန်း အနားက ဖုန်း မြည်လာ၍ ကြည့်လိုက်တော့ မားမားယံထံမှ ဆက်တာပင်။

"နေမကောင်းတာ ဘယ်လိုလဲ သက်သာလား"

"သက်သာတယ်"

"တကယ်နေမကောင်းတာလား၊ ပျင်းနေတာလား ပြောပါဦး သားလေး"

"တကယ်နေမကောင်းတာပါနော်"

"အဲအတိုင်း နေမကောင်း ဆယ်ရက်လောက်ဖြစ်လိုက်ပါ့လား၊ လီလီနိုင်းက သိပ်အားကိုးရတယ်"

"လီလီနိုင်းကို အပိုင်လိုချင်ရင် ဟန်ငြိမ်းကိုဆီတောင်းလေ"

"အဲလို လုပ်လို့ရပါ့မလား ၊ အဲalphaကောင်မလေးက သဘောကျချင်စရာဟဲ့"