ALPHA :MY HUSBAND [ BL ]

19

ကျွန်းစုပြန်ရောက်သည်နှင့် နို့ဘယ်ဆီက အထင်သေးသလိုအကြည့်ခံရသော်လည်း မေမေရှိတာကြောင့် ဘာမှတော့ မပြောလာခဲ့။

'ပူစီ အခု ငါကျွန်းစုရောက်နေပြီ မင်းဘယ်နားမှာလဲ'

System [ မင်း ကျွန်းစုကို ဘာလို့ပြန်လာတာလဲ ]

'ငါ့ကို ကိုကိုက ကွာရှင်းလိုက်ပြီကွ အီးဟီး'

အစပြန်ဖော်သည့် ကြောင်စုတ်ကြောင့် ဝမ်းနည်ကာ မျက်ရည်တွေကျရပြန်သည်။

ယခင်က ကိုယ်ကကွာရှင်းပါမယ်‌ပြောရင်တောင် သူက နိုး ဟု ပြောခဲ့သောသူသည် ယခုတော့ သက်ပုံကို ကွာရှင်းလာခဲ့ပြီ။

အိမ်ထောင်သက်တမ်း တစ်နှစ်ဆိုသည့် အချိန်သည် တကယ် ခဏလေးပင်။

အခုတော့ ကိုယ်က ခံစားချက်ရှိနေတောင် သူ့ဘက်က အသစ်တွေ့သွားပြီမလို့ လက်ခံမှာမဟုတ်တော့။

ဟန်ငြိမ်းကို အရမ်းရက်စက်သည်။သူ့အချစ်ကို နည်းနည်းလေးမှ အသိအမှတ်မပြုခဲ့။

System [ ဘယ်လိုဖြစ်ရတာလဲ ၊ ငါခဏလေးပဲ အထက်က ခေါ်လို့ သွားလိုက်တာကိုး ]

'မသိဘူး ညဘက်က အကောင်းကြီး ၊ မနက်မှ ကွာရှင်းစာချုပ်မှာ လက်မှတ်ထိုးခိုင်းတာ'

System [ ဟာ ဒါဆို ငါက မင်း mission မအောင်တော့ ကြောင်အိုကြီးဖြစ်တဲ့အထိ ဒီမှာနေရတော့မှာပေါ့ကွ ]

'ငါလည်း သူနဲ့မနေချင်ဘူးလို့ မင်းထင်နေတာလား ၊ သူကမှ ငါနဲ့မနေချင်တာ အဲလူအရမ်းမုန်းစရာကောင်းတယ် အဟင့်'

System [ တကယ်မုန်းနိုင်တာလည်း မဟုတ်ဘဲ ]

'တကယ်မုန်းတော့မှာ'

System [ ပြောတော့လည်း မင်းပါပဲ ]

'ဒီတစ်ခါအတည်ကွ'

System [ အေးပါ ၊ အေးပါ ၊ ငါခဏနေ မင်းအိမ်ကိုပြန်လာမယ် ]

'လာခဲ့ ၊ ငါလည်း လီလီနိုင်းအခြေနေအရမ်းသိချင်နေပြီ'

ပူစီက ဘာမှမပြောဘဲ အသံတိတ်သွားလေသည်။

သက်ပုံလည်း စိတ်ထဲမထားဘဲ ကျွန်းစုမှာ သူဘာလုပ်စားရင်ကောင်းမလဲတွေးနေမိ၏။နောက်ဆုံးမှာတော့ အိမ်မှာပဲနေကာ မေမေ့ကို ကူတာပဲ ကောင်းမည်ဟုတွေးလိုက်သည်။