ေရႊေရာင္လႊမ္းေသာလက္ထပ္ျခင္း(ျပန္လည္ေမြးဖြာျခင္း) ရွှေရောင်လွှမ်းသောလက်ထပ်ခြင်း

32.2

Chapter(32.2)

ရန်ရှူသည် လင်းယုတုန်အတွက် အလွန်သက်သောင့်သက်သာရှိသည့်ခုံကို အထူးပြင်ဆင်ပေးထားသည်။ကုမ္ပဏီအတွင်းမှာ ဂိမ်းအခန်းတစ်ခန်းလည်းရှိပြီး ၎င်းကိုအသုံးပြုပြီး လာရောက်လည်ပတ်သူတွေကို အတွေ့အကြုံရစေပြီး အနားယူစေနိုင်သလို ဝန်ထမ်းတွေ အလုပ်ပင်ပန်းသည့်အခါလည်း အနားယူနိုင်သည်။လင်းယုဖေးက သူအဲဒီကိုရောက်တာနှင့် ထွက်မလာချင်တော့ဘူးဟု ပြောသည်။ပိုင်ရီဟီသည် လင်းယုတုန်ကို ထုတ်ကုန်အစီရင်ခံစာတစ်ခုနှင့် ကုမ္ပဏီ၏နောက်ထပ် ဖွံ့ဖြိုးတိုးတက်မှုစီမံကိန်းကို တင်ပြလိုက်သည်။

လင်းကျီဆောင်နှင့်ချန်စုနင်သည် ဒီနေရာက အရမ်းကောင်းတဲ့အရာတိုင်းကို နားမလည်ပေမဲ့ သူတို့က သူတို့သားသည် သက်ဆိုင်ရာမေးခွန်းတစ်ချို့ကို တိကျမှန်ကန်စွာမေးနိုင်ပြီး ရန်ရှူနှင့်ပိုင်ရီဟီတို့နှင့် ကျိုးကြောင်းဆီလျော်စွာဆွေးနွေးနိုင်တာကြောင့် ဒီခရီးစဉ်သည် အချည်းအနှီးတော့ မဟုတ်ဟု ခံစားခဲ့ရသည်။

လင်းယုတုန်ကို စီးပွားစီမံပညာရပ်ကို သင်ယူစေခဲ့တာက လင်းကျီဆောင်၏ဆန္ဒဖြစ်သည်။အဲဒီအချိန်တုန်းက လင်းယုတုန်သည် သူ့မိဘတွေရဲ့ဝန်ထုပ်ဝန်ပိုးကို မျှယူချင်တာကြောင့် သူ့စိတ်ကြိုက်ရွေးချယ်မှုကို စွန့်လွတ်ခဲ့သည်။လင်းကျီဆောင်က နောင်တမရတာ မဟုတ်ပေမဲ့ အခုတော့ သူက သူ့တွန်းအားပေးခဲ့တာကလည်း ကောင်းတာဖြစ်နိုင်မလား?

လင်းယုတုန်က သူ့အဖေရဲ့အတွေးကိုသိပေမဲ့ မရှင်းပြခဲ့ဘူး။ဘာဘဲဖြစ်ဖြစ် အတိတ်က အတိတ်သာဖြစ်ပြီး သူက ဘာမှလုပ်ဆောင်နိုင်မှာမဟုတ်ဘူး။

ပိုင်ရီဟီသည် လုပ်ငန်းတိုးတက်မှုအခြေအနေကို အစီရင်ခံပြီးနောက် လင်းယုတုန်နှင့်ဆန့်ကျင်ဘက်မှာဝင်ထိုင်လိုက်သည်။

လင်းယုတုန်မှာ ဘာမှမေးစရာမရှိတော့သည့်အခါ ရန်ရှူက ဦးတည်ရာပြောင်းပြီးပြောလိုက်တယ် "မစ္စတာရှောင်လင်း...ကျွန်တော်တို့ကုမ္ပဏီက စိတ်ကူးယဉ်ဝတ္ထုတစ်ပုဒ်ကို ဝယ်ယူဖို့ရည်ရွယ်ထားတယ်။အခြားပါတီနဲ့ဂိမ်းမူပိုင်ခွင့် စာချုပ်ချုပ်ဖို့ အဆင်သင့်ဖြစ်လုပ်ထားပြီးပြီ။တကယ်လို့ဒါသာအောင်မြင်ရင် ၎င်းက ကျွန်တော်တို့ရဲ့စီမံကိန်းအသစ်ဖြစ်လာပြီး နှစ်ကုန်ပြီးတာနဲ့ ကုမ္ပဏီက အားစိုက်လုပ်ကိုင်လိမ့်မယ်။ကုမ္ပဏီမှာ အရင်လတုန်းက အဖွဲ့တစ်ဖွဲ့ဖွဲ့ထားပြီးပြီးဖြစ်ပြီး သူတို့ထဲကတစ်ဝက်လောက်က ဂိမ်းပိုင်းနဲ့မားကပ်တင်းပိုင်းမှာ အတွေ့အကြုံရှိတဲ့သူတွေဘဲ။သူတို့စွမ်းရည်တွေက အရမ်းကောင်းတယ်။ကျွန်တော်တို့က အသစ်တစ်ခုကို ကြိုးစားကြည့်ချင်တယ်"