" أحـــفاد الشـيـــخ علـــي "

Part (5)

Part (5)

التم الكل عالسفرة وهي نفسها الضحكات والحكي الي مابيخلص بيناتهم وخناقات عم بتصير ع اشياء تافهه ومالها طعمه كمان _
بس الروحانيه العائليه كانت عم تملئ سفرتهم...

بس فجاة صار شىء غريب اكتير عسفرتهم،
ومابعرفوا انو هالشىء راح يشقلب حياتهم بشكل جذري..

وصلت رسايل على الموبايلات تبعهن بالوقت نفسوا..

اطلع الكل لبعضن ومو عارفين شو هالصدفه
الغريبة الي عم بتصير..
على : شبكن شوفوا لمين هي الرسائل!!

كانت الرسايل عموبايل غيث وليث ومصطفى ورامز.
والبقية ماوصلهن شىء..

شال مصطفى حالوا فجاة من السفره ليحكي بعد ما قراء الرساله  :
بستاذنكن اشويه وراجع ..
اطلعت عليه اثير وعم بتشوفوا يطلع من البيت..
علي وعم يطلع عرامز الي كان عم يقراء الرساله نفسها الي شافها عند بلال : وانته شو معك!!
كان رامز راح يحكي، بس سكت على طول اول مارن تلفون بلال، اطلع بلال ليحكي :
هاد المعلم احمد!
على : وشو بدو هلى!!
بلال وعم بيشيل حالوا من السفرة :
مابعرف بس اكيد بدو ياني بشغلانه..
رامز شال حالوا وعم يستغل فرصه الحكي بين بلال وعلي ليطلع عرساله التانيه الي شرفت لجواله، وعم يقراء المكتوب :

" صحه وعافيه على قلبك ليش فليت من السفرة! "
اطلع رامز حواليه ليشوف هداك الشب الي واقف عشرفه بيتهن وهو عم ياخد حالوا لبرا..
صرخ رامز وعم بيركض وراه : استنى..
اطلع الكل عليه..
علي وهو عم بيوقف على رجليه :
شو صار!!
غيث وهو يحكي : خليك يا شيخنا انا راح الحقوا
ليث مشان يهرب من اسئله جدو : ايه لكان انا جاي معاك..
غيث : يالله لكان..
وقف عدنان وهو يحكي : وانا جاي معكن ..
غيث وهو يهز راسوا : لا ياخي خليك هون بالبيت مشان لو صار شىء مو منيح مانخلي البيت بدون زلمه ..

وفلوا ركض وراء رامز.
علي وهو خايف : عدنان شو الي عم بيصير!!
عدنان وعم بيرفع اكتافوا : مابعرف يا شخينا
اسيا وعم تطلع عليه : لازم نخلي حدا يطمنا عليهن
اثير : انا كتير خايفه يا شيخنا اول مره عم شوف مصطفى متلبك هيك ووشو مخطوف كمان..
عدنان وعم يهديها : لاتخافي مرت اخي انا راح اوصي ليث يطمنا عليهن لو صار شىء
وشال نفسوا رايح..
لحتى يحكي بلال وهو عم بيشوف السفره فاضية :
وين راحوا كلن!!
اثير : اخي وحياتك فيك تلحق فيهن، حاسه بشىء مو منيح عم بصير،..
بلال معتذر : ماراح اقدر الحق عليهن لانوا طرا معايا شغل هلى..
على : شو هالشغل الي بهيك ساعه يا بني..
بلال : بتعرف ياشيخنا انو انا عن قريب صارت مشاكل بالشغل وكنت راح انطرد منو لهيك مافيني ارفض مشان ما اخسر شغلانتي..
علي وهو عم بيحس حالوا تعبان :
ايه خلص روح الله يفتح الك طريقك..
بلال شال حالوا وطالع من البيت..

اسيا راحت لتضم اثير وعم تطمنها :
دخليك لاتشغلي بالك، اكيد مافي شىء، يمكن صارت مشكله بالشغل..
اثير : مابعرف شو اقلك يا اسيا بس مصطفى اول مره وشو ينخطف هيك..
على : طولي بالك ان شاءالله كلو راح يكون امنيح، وعدنان خبر ليث مشان يطمنا عنوا..
ظلت اثير بين ايدين اسيا وهي خايفه اكتير عمصطفى...
ومتاكده انو في شىء مو منيح صار..
_______________