Part (14)..
عساعه 8:54 صباحا
وصلت نرمين عالمكتب متل كل يوم وبالوقت نفسها _ بلشت ترتب اغراضها عالمكتب مشان تبلش بالشغل _ وقت ماخلصت راح عمكتب نجم مشان ترتب لالوا الاوراق عالمكتب لانو بينزعج اكتير من الفوضى، لهيك اتعودت تهتم بامور المكتب تبعوا بنفسها _ وهي فايته شافتوا متسطح عالكنباية ومبين عليه تعبان ببدله العمل تبعوا _ نرمين خافت عليه اكتير لتروح ركض وعم تحاول تفيقه : نجم!؟ نجم عم تسمعني!؟...
انتبهت لريحه الخمرا الطالعه منوا، لتتاكد انو كان سكران امبارح _ ركضت عالسريع عكوب الميه مشان تروح عليه وعم تشربوا بشويش : نجم انته منيح!؟
فتح عيونوا ليحكي : انا فين!؟
اطلعت عليه وهو عم يجلس وماسك براسوا _
نرمين : عالمكتب، قلي انته امنيح!؟
نجم ابتسم ليحكي : ايه اطمني امنيح..
نرمين شافتلوا بعيون ذبلانه لتوقف وعم تضموا بقوة : هي اول مره بشوفك فيها هيك!؟ _ خفت عليك اكتير..
نجم اتعجب لتصرفها اكتير، نرمين من امته وبتنط لحضنوا هيك _ ابتسم وعم يبادلها الحضن ليحكي : بشوفتك انا امنيح هلى..
اطلعت فيه بخجل وعم تحكي : لازم ترجع عالبيت هلى، وضعك مومنيح لازم ترتاح..
نجم حاول يوقف وقتها بس ماقدر طاح عالكنباية..
نرمين مسكتوا وعم تحكي بخوف : نجم كرمال الله لازم ترتاح اشوي..
نجم رجع جسموا عالكنباية بتعب لانوا كانت هي اول مره بحياتوا يشرب فيها خمرا، لهيك حاسس حالوا تعبان اكتير..
نرمين : نجم كرمال الله خلينا نروح عالبيت، انا رح اوصلك بسيارتي..
نجم : اعطيني الموبايل تبعي لو سمحتي..
نرمين مدتوا ليدوا، نجم اخد عم يتصل لبلال بس ماكان بيرد عليه، وقتها اخد يكتب لالوا رسالع عالمطرح الي هوفيه هلى مشان يجي ياخدوا..
نجم اطلع عنرمين وعم يحكي : نرمين فيكي تساوي لالي كاسه شاي!؟
نرمين : تكرم، يعني انته منيح هلى!؟
نجم : طولي بالك شبك انا امنيح بس هي اول مره لالي اشرب لهيك تعبان اشويه...
نرمين وقفت وعم تحكي : ايه لكان هلى رح ساوي لالك شاي وبعد هيم رح اوصلك عالبيت..
نجم : ايع تحت امرك يا نرمين خانم..
ضحكت بخجل لتاخد حالها بدون ماتعطيه حرف **
نجم طلع هواء من صدروا وعن يحس بغصه جواتوا، مقهور من الحكي الي سمعوا من رامز، معقوله قلبوا صار قاسي لهي الدرجه!؟
هيك كان عم يحكي مع حالوا...
_____________________________
صرخت زينب وعم ترمي كاسه الشاي عالارض : خللللص انا موقادره اتحمل اكتر من هيك!؟ _ الصبيه بقالها اكتر من اسبوع ما لها خبر _ مافي مكان مادورناها فيه _ مين يسمعنا رح يقول انو انشقت الارض وبلعتها ..
هند من يوم ما اختفت لارا وماجفت دموعها ***
زينب : في شىء مومزبوط، كيف اختفت!؟ _ كيف الملازم انكر وجودها عندهن كيف!؟
هند : انامتاكده انو رامز الوا يد بهالشىء، متاكده من هيك شىء _ الظاهر طلع الحكي تبع لارا بمحلوا هالشب ماوراه الى المصايب.
زينب : مابعرف شو اسوي او وين لازم ندور..
أنت تقرأ
" أحـــفاد الشـيـــخ علـــي "
Actionالقصه للبالغين 🔞 باللهجة السورية.. تدور احداث القصه : عن سبعه اخوه كلا منهما يعيش حياة مختلفه بل منحرفه عن الطريق الذي يمهده لهم جدهم ( الشـيـــخ علـــي ) بعد ماتوفى والدهم بحادث مروري ** برايكم من هم هؤلاء الاحفاد!! وماهي اعمالهم!! وما الطريق...
