فاطمه ووشها زعلان :
لشو هلى رح تمشي!! _ اتعودنا عشوفه هالوش اكتير والله ..
غيث وعم يحاول يزبط القميص تبعوا :
صرت خجلان منكن اكتير يا ستي، مايصير ازعجكم اكتر من هيك..
فاطمه : لشو هالحكي هلى، صار البيت بيتك والعروسه عروستك **
عدخله جود سمعت الحكي لتطلع عغيث ووشها احمر _ **
غيث ابتسم لالها بخجل هو التاني **٠
وقتها دفشت فاطمه ايد جود وعم تحكي:
ولك شبك تتصفني عالارض هيك!! روحي ساعديه
اطلعت عغيث الي لساتوا عم يحارب القميص تبعوا..
راحت عليه مشان تمسك قميصوا وعم تحاول تزبطو امنيح مشان مايتوجع **
غيث صار يتصفن بيها ، وهي عم تطلع عليه بنظرات متقاطعه ووشها صار مورد اكتير..
فاطمه وعم تقطع جو النظرات :
قلي هاد الي حكيت معو شو بيقرب لالك!!
غيث : اخي الاكبير رامز..
فاطمه : ايه ربي يخيكن لبعض ان شاءالله...
غيث : امين..
فاطمه : الظاهر بيتكن اكتير بعيد، لانو صارت الساعه 8 صبح، ولساتوا مو هون!!
غيث : ايه ستي، الطريق الموصل لهون يحتاج على الاقل 4 ساعات..
جود : بعيد اكتير..
غيث : صرت متعود اكتير عروحه لهيك مطرح..
فاطمه : المهم هلى بدنا ياك تطل علينا من الوقت لتاني..
غيث : تكرم عينك ستي ..
فاطمه بخبث وعم تطلع على جود بنص عين :
لكان قلي في معك رقم تلفون موهيك!!
غيث : ايه اكيد معي..
فاطمه وعم تأشر عجود : بنتي سجلي رقمو بتلفونك مشان تطمني عنو..
صارت جود باللون الاحمر وماقدرت تحكي..
غيث ضحك مع حالوا ومتعجب اكتير لافكار هي الختياره **
فاطمه : لك شبك اعطيه الموبايل.
غيث حب يطالع جود من الخجل الي صارت فيه قدامه لهيك _ اخد تلفونه وعم يفتح لالها زرارات الارقام _ اطلعت جود عليه وعم يعطيها تلفونه :
اكتبي لالي رقمك هون، مشان انا اطمن عليكن كمان.
وقتها قل خجل جود اشوي لتاخد تلفونه وعم تكتب لالوا الرقم _ واول ماخلصت رجعتوا على طول ..
صار هون الباب يندق..
فاطمه : الظاهر هاد اخوك..
غيث : ايه..
راحت فاطمه مشان تفتح الباب، وغيث اخذ حالوا مشان يوقف بس كان هالشىء صعب عليه اشوي _ جود اخدت حالها وعم تسندوا : انتبه عحالك امنيح مشان ماتوقع..
اطلع غيث عوشها، لتطلع فيه بابتسامه هادئه..
غيث : بتشكرك اكتير..
جود : لشو ماساويت شىء..
غيث : عالخبطه تبع السيارة..
اطلعت فيه وعم تضحك _ دف رامز وعم يركض مشان يمسكوا ومبين عليه خايف :
اخي شبك! شو صار!؟
فاطمه وعم تغمز لجود :
ماصار شىء، هي صدفه تصير قبل الزواج يا ابني..
رامز مافهم منها شىء.
غيث : خلينا نمشي ورح اخبرك ..
رامز : هلى انته امنيح!!
غيث : ايه امنيح اطمن !!
رامز : مابعرف شو صار اول ماشفتك هيك..
فاطمه : ما شاء الله بتاخدوت العقل..
جود : الاحسن هلى ماتضل واقف اكتير مشان رجلك
رامز : باذنكن هلى لازم نمشي..
فاطمه : ربي يحميكن
غيث :بخاطركن
ضلت جود تطلع عسيارة رامز الي واقفه قدام الباب تبعهن، لحتى فلت _
فاطمه : بنتي روحي دفئ لالي ميه..
جود : ولشو الميه الدافيه هلى!!
فاطمه : رح حط هالميه عسريرك وع اللحاف تبع غيث مشان ربي يكتب لالكن نصيب..
جود : امي ولك خلص، خجلتيني اكتير قدام الشب
فاطمه : ولشو هالخجل يعني!! _ شب رح يصير نصيبك انا متاكده من هيك خبر، والظاهر عم تفتكريني هبله!! _ انا شفت امنيح كيف عم يتصفن فيكي..
جود طلعت هواء من جواتها لتاخد حالها لبرا..
ضحكت فاطمه وعم ترتب مكان نومه غيث :
هالحياة اكتير غريبه يا بنتي، ومتل ماتفرق القلوب بتجمعهن كمان ..
أنت تقرأ
" أحـــفاد الشـيـــخ علـــي "
Actionالقصه للبالغين 🔞 باللهجة السورية.. تدور احداث القصه : عن سبعه اخوه كلا منهما يعيش حياة مختلفه بل منحرفه عن الطريق الذي يمهده لهم جدهم ( الشـيـــخ علـــي ) بعد ماتوفى والدهم بحادث مروري ** برايكم من هم هؤلاء الاحفاد!! وماهي اعمالهم!! وما الطريق...
