مريم.
جنت نايمه وما احس الا ب صوت خالد فوك
راسي ويصيح عليه:
"كومي كافي نوم تأخرتي عل مدرسه يلا
كومي تره والله اجيب طاست مي بارد من
الفريزر واكبهه عليج كومي بساع"
"يوووو شكد مزعج روح اني كايمه هسه"
"ما اروح الا تكومين كدامي"
"اوفففف ولك انته شكد مزعج خره بحضي
عليك لو بس تعوفني بحالي يوم واحد بس
بأحلامي"
"اي وهوه انتي كلتيهه بأحلامج واني ضال
فوك راسج وانكد عليج😜😜"
"يوووو خالد رحمه لبابه اطلع اريد اشبع
نوم الله عليك"
"ما اطلع انتي شفتي بيش الساعه هسه
تره بعد عشر دقايق يجي يدخلون الطلاب
للمحاضره"
اني ما اهتميت لكلامه وبقيت نايمه لان
ادري بي يشاقه بس من شوفني الساعه
ب جهازه كبل فزيت من مكاني وكمت على
حيلي ورحت ركض للحمام سبحت وغيرت
ملابسي ولبست الزي الرسمي مال المدرسه
ورتبت شعري وبعدين طلعت بسرعه
نزلت على الدرج واني اركض وما احس الا
برجلي زلكت وردت اوكع لو ما اخوي احمد
كمشني ومخلاني اوكع بس اكلت رزاله ناشفه
من الصبح:
"هوه هيج تمشين ثوله جان ما رحتي للمدرسه
جان وديناج المستشفى انوب تنزلين علكيف
مو مثل المخبله"
"اسفه احمد بس الوكت تأخر واني ضليت
نايمه وتأخرت عل مدرسه ونزلت اركض"
"حتى لو مو هيج مريم اخر مره اشوفج
تنزلين علدرج هيج فتهمتي"
دنكت راسي للكاع واخوي يرزل بيه و وره
ما خلص كلتله:
"فتهمت اسفه"
"لا تزعلن مرووو تره اني اخاف عليج وكلت
هيج ورزلتج بس اني كم اخت عندي هيه
بس خبله وحده"
ضحكنه اني واخوي بكل قوتنه جان تسمعنه
امي وتصيح من يمهه:
"ها ولكم شعدكم تتمضحكون من الصبح
واحد يكعد يقره قرءآن يستغفر يعزي وانتو
تتمضحكون شعدكم امشو بسرعه تريكوه
يلا"
سكتنه اني واحمد بس بلكوه لان امي ما
تحب نضحك هواي بدون سبب تكول كثرة
الضحك الهه بلنهايه مصيبه بس اني واخوتي
ما نصدك هاي الخرافات وطبعاً امي تعلمت
هاي الخرافات من بيبي الله يرحمها وظلت
تعلم بينه
نزلت ويه اخوي احمد ودخلنه المطبخ وكلت
بمرح:
"صباح الخير حبيبتي"
"صباح النور"
صبحت على امي وكعدت اني واخواني على
الطاولة وكمنه ناكل اني ما اكلت هواي لان
مستعجله وتأخرت كلش هسه اكلي رزاله
من المدرس عاد اليوم شلون حضي حلو
ستاذ عبدالله اول درس ياخذنه يوووو شراح
يخلصني من لسانه
أنت تقرأ
تركوني ورحت فصليه 😞
General Fictionقصه تحجي عن بنيه تعيش مع اهلهه وجانو مدللينهه كلش وما يرفضولهه طلب بس شوفو شسوت بيهه الايام ... . تابعو اذا كنتو مهتمين تعرفون شنو راح يصير بيهه وملاحظه اني راح احجي بلهجتي العراقيه بيهه بقلمـيـﮯ آنيـﮯ: مـريـﮯمـ آل عدنآن 🥰🥰
