احم احم اسمعو؟!
من بين الجميع لم تهب ريح الموت الا دياري ...
😖 يا واقد النيران اطفئ ناري...
.
فقدت عزيز روحي و اسراري😖...
...
💔غرقاً ولقد مات الحبيب من اين! آخذ ثاري؟💔
(تره مو بس راويه وشاعره هم 😂)
ـــــــ&&&&&&§&&&&&&&&& ـــــــ
علي.. ضلينه نحجي اني و الدكتور عمر على
مصطفى وخبالاته تقريباً نص ساعه وبعدنه
نحجي لحد ما اجت الممرضه شايله بأيدهه
ورقت التحليل انطته للدكتور وهوه وكف واني
وكفت ويا ضل ساعه صافن بلورقه لحد ما
اني كتله:
"هاا شنو ليش ساكت"
رفع راسه عليه باوعلي وابتسم جان يكول:
"اهدء اهدء مابيهه شي بس مثل ما كلت
عدهه فقر دم حاد وموضوع الاختناق مثل
ما هوه واضح بسبب صدمه او ضغط نفسي
وما يحتاج تخاف بس التزم بلعلاج وتصير
زينه"
علي
"الله يفرح كلبك دكتور زين اكدر اخذهه لو
انضل هنا"
عمر
"اي اخذهه شسوون هنا شعدكم بس سويلهه
اجرائآت الخروج واخذهه وها راح احطلهه
مغذي هسه والاوكسجين راح ابقي ومن تصل
البيت اذ المغذي خلص حطلهه واحد ثاني
وانطيهه هاي الابر بلمغذي دير بالك تخربط
بينهم تره منهن بلعضله"
علي
"اي دكتور بس حدد"
عمر
"شوف"
ضل ساعه يعلم بيه وشلون اخليلهه المغذي
والابر ياهن البل مغذي وياهن الي بل عضله
وبعدين هزيتله راسي وكتله:
"هسه وضحن مشكور حبيبي"
عمر
"واجبي بس لحضه عدكم احد يعرف يضرب
ابر لو اخلي الممرضه تجي يمكم"
علي
"لا لا عدنه تسلم"
عمر
"خوش لعد يله اخذهه معافايه"
علي
"الله يعافيك حبيبي يله نترخص"
عمر
"الله وياك تعال بأي وقت 😂"
علي
"هههه انشاء الله 😂"
طلع هوه والممرضه اجت يمي ساعدتني اخلي
مريم بلسديه المتحركه وشالت الاجهزه وياي
جان نطلع وصلنه يم الاستعلامات لكيت منتظر
واكف هناك من شافني اجه يركض وكال:
"ها خويه شبيهه ليش جايبهه بسديه"
علي
"مابيهه شي تعال اخذ الاجهزه شيلهن بدال
الممرضه حته نوديهه للسياره"
أنت تقرأ
تركوني ورحت فصليه 😞
General Fictionقصه تحجي عن بنيه تعيش مع اهلهه وجانو مدللينهه كلش وما يرفضولهه طلب بس شوفو شسوت بيهه الايام ... . تابعو اذا كنتو مهتمين تعرفون شنو راح يصير بيهه وملاحظه اني راح احجي بلهجتي العراقيه بيهه بقلمـيـﮯ آنيـﮯ: مـريـﮯمـ آل عدنآن 🥰🥰
