مريم.. من كالي محتاجه شي اني انصدمت ولا
عبالك هذا الي جان قبل شويه يصيح ويحجي
علي بقيت واكفه اباوعله وهوه طالع واني مبهوته
وفاكه حلكي بوسعه جان اكول لنفسي:
"معقوله هذه اني سمعت صحيح لو اذاني
بيهن التهاب 😳😳"
رحت للحمام وغسلت وجهي وطلعت نشفته
ورحت كدام المرايه شفت عيوني مورمه من
البجي بصراحه حسدت عيشتي قبل والله بعد
ماحجي شي بس لو ارجع يم عمي والله ارضه
بمضايقات هيفاء و منى بس لو يرجعوني 😞
وكفت شويه جان اوخر ورحت طلعت ملابس
خفيفه البسهه لان فستاني كلش حار طلعت
ثوب مال بيت عادي شويه ضيج يعني مقبول
بي بس هم خفت كلت خاف هوه ما يرضه بي
واوكع بمصيبه خل اشوف غيره بس انوب اني
كل ملابسي مثله وماكو ملابس واسعه هواي
هفففف كلت خل البس وشيصير خل يصير
ماكدر ابقى بلغرفه عيب
لبست ثوبي جان لونه احمر وبي شذر حلو كلش
بس من لبسته شفته كلش لونه فاتح والكل هنا
لابسين اسود واني مايصير البس ملون على الاقل
بس هل يومين عيب من الشيخة نزعته ورحت
ادور بلكنتور على ملابس سود بس ما لكيت كلهه
ملونه لو ازرك لو احمر لو اخضر و وردي بس
همزين لكيت ثوب لونه نيلي بس مشجر يعني
ينطلع بي احسن من الملونات لبسته ولفيت شالي
جان بس الشال اسود يله خوش على الاقل لابسه
شي اسود 😂
كملت جان انزل جوه ردت اروح يم النسوان
بس استحيت منهن لان هنه لابسات اسود واني
ازرك طوخ على نيلي تأففت جان اتذكر الشيخ
من كال تلبسين عبايه فكلت هاي خوش فكره
وكبل رحت لبستهه ونزلت وكلت اذا سألوني
ليش لابستهه اكلهم الشيخ ما يقبل انزعهه
فتت على المضيف لكيت النسوان ماكو بس
كم وحده ينعدن يمكن 7لو8هيج يعني باقيات
على العشه سلمت وكعدت يمهن بصف زهراء
اشو ذن كامن يباعن عليه فكلت بلشت رحمه الله
راح تبدي التساؤلات اني دنكت جان اسمع
الشيخة تكلي بس بلكوه لان جانت تبجي خطيه
كل النهار تبجي حته عيونهه صايرات حمر دم:
"يمه ليش لابسه العبايه ماكو احد بس خالاتج"
باوعتلهه جان اكول:
"شيخه الشيخ علي كالي لا تنزعين العباية ابد"
الشيخة
"شلون يمه حته بلبيت لابستهه شو انزعيهه
خله يولي علي نزعي يمه نزعي"
مريم
"لا شيخه اخاف منه ماكدر اكسر.كلمته"
الشيخة
"يمه معليج بي شنو هوه يخليج تلبسين العباية
بلبيت بله لو يمنه عالم هواي زلم ونسوان غربه
جان ما حجيت بس يمه ذنه بس خالاتج انزعيهه
"
مريم
"شيخه بس الشيخ اذا عرف والله يموتني"
الشيخه
"يمه شسالفه ليش هيج خايفه منه معليج
بي ماله شغل بيج انزعيهه"
أنت تقرأ
تركوني ورحت فصليه 😞
General Fictionقصه تحجي عن بنيه تعيش مع اهلهه وجانو مدللينهه كلش وما يرفضولهه طلب بس شوفو شسوت بيهه الايام ... . تابعو اذا كنتو مهتمين تعرفون شنو راح يصير بيهه وملاحظه اني راح احجي بلهجتي العراقيه بيهه بقلمـيـﮯ آنيـﮯ: مـريـﮯمـ آل عدنآن 🥰🥰
