مريم... ما كدرت ارد عليهه حقهه ما شايفه تصرّف
اخوهه وياي واسلوبه بلحجي والعصبيه والاوامر
الامتناهيه هففف ما كدرت اسوي شي غير بس
ابجي فنطيت السيطره لدموعي وكامن ينزلن
بوحدهن جان تحضني زهراء وتكلي:
"مريومه حبيبتي كافي شبيج"
مريم
"زهراء حبابه ماريده الله عليج خلي يعوفني
ابوس ايدج 😭😭"
زهراء
"حبيبتي شبيدي عليج هاي شوفت عينج
علي ما يتحاجه"
مريم
"حبابه سوي اي شي خل يعوفني"
زهراء
"زين شسوي ما تكليلي اكول خل نروح انشوف
امي بلكت تسويلج حل ولو اني مني مو. من علي
معارضه بس ماكدر. كسرتي كلبي امشي"
مريم
"ولله زهراء ماكدر اتقبل هذا الشي ماريده
امشي بلكي الشيخة تسويلي حل🥺🥺"
زهراء
"امشي حبيبتي"
مريم.. رحنه اني و زهراء للشيخه لكيناهه
كاعده بلمضيف يمهه نسوان دخلت زهراء واني
مارضيت افوت استحيت منهن شويه وطلعت
زهراء بس الشيخة ماكو جان اكللهه:
"ها الشيخة وين"
زهراء
"كالت من تمشي العالم تجي وكالت خل تفوت
تسلم على النسوان لا تضل خاتله عيب"
مريم
"هسه اني وين و النسوان وين امشي امري
لله"
نزعت عباتي وخليتهه على الدرج جان انفوت
سلمت وردلي السلام باوعت على الشيخة شفت
عيونهه محومره ودموعهه على خدهه خطيه
كسرت كلبي حقهه ما صار يومين على وفات
ابنهه اكيد انكسر ظهرهه عليه ردت احاجيهه
واكللهه تحاول ويه علي يعوفني بس كلت هيه
وين واني وين مو مال مسلتي هسه فكعدت
يمهه وكمت ابجي وياهه هم منا انقهرت عليهه
ومنا انقهرت على نفسي ومصيبتي وضلينه
تقريباً نص ساعه واحنه بجي بتواصل ما سكتنه
لا اني ولا الشيخة ولا النسوان الشيخة حاضنتني
وتبجي واني هم وره هيج خمس دقايق سمعت
صوت السياره بره اني كبل كمت ارجف بويه
شلون هسه بعد ما منهه مفر خلص انتهت حياتي
بعد ودخلت لحجيمي 😞شويه واسمع صوته
يرعد يصيح ب زهراء خطيه من خوفهه جبحت
الباب ونركعت بي بس طلعت ما هتمت وراحت
بره المكان
علي.. طلعت ورحت بوجهي على السيد حته
اجيبه بسرعه ونعقد واخلص لان المظيف متروس
ومنتظر وحده ما يكفي لان ادري بولد عمي ما
منهم معينه خطيه هوه حيل يلح على نفسه
وما يكول شي المهم رحت جبت السيد وجيت
طبكت بلباب وكلت للسيد يبقه بس اطلع اجيب
المره واجي نزلت من السياره ورحت دخلت
للبيت وكفت بلصاله جان اصيح صوت ب زهراء
جان تجيني ركض شفتهه جانت كصتهه مورمه
وحمره جان اكلهه:
أنت تقرأ
تركوني ورحت فصليه 😞
General Fictionقصه تحجي عن بنيه تعيش مع اهلهه وجانو مدللينهه كلش وما يرفضولهه طلب بس شوفو شسوت بيهه الايام ... . تابعو اذا كنتو مهتمين تعرفون شنو راح يصير بيهه وملاحظه اني راح احجي بلهجتي العراقيه بيهه بقلمـيـﮯ آنيـﮯ: مـريـﮯمـ آل عدنآن 🥰🥰
