(هلو 👋شلونكم كل عام وانتو بخير وربي تتحقق كل امانيكم ❤☺️راح انشرلكم بارت عيديه,😂😂بس باجر هم انشر لتخافون على موعدنه نبقه باي احبكم 😍)
عليي.. من كلت لمي رايح للبصره حسيتهه خافت
جان اكللهه:
"يمه حبيبتي لاتخافين ما اتأخر هنه اربع ايام
وتلكيني يمج"
الشيخه
"لا يمه لاتسويهه بيه مثل اخوك هم كالي اربع
ايام واجي وتالي راح وبعد ما رجع لا يمه ماكو
روحه"
علي
"يمه حبيبتي اني مو وحدي رايح وياي عمي
حميد وكم واحد هم وعدنه فصل انفضه ونجي
حبيبتي وبعدين اني الشيخ والي صيتي بعد
انطيتهم كلمه وماكدر اتراجع عنهه"
الشيخة
"يمه انته تريد تموتني بروحتك مو"
علي
"لا يمه اسم الله عليج حبيبتي شهل حجي
من عمري على عمرج"
الشيخة
"لعد يمي ماكو روحه تريد. تفصل خل يجون
همه عليك"
علي
"يمه يروحي ليش خايفه وتره اني كتلج مو
وحدي رايح واذا ما صدكتني هاي هسه راح
اتصل على عمي وانتي اتأكدي منه بنفسج"
الشيخة
"زين يمه لعد. اكثر من يومين ماكو"
علي
"يمه عمري انتي شلون افض فصل شكده و
شكبره بيومين تعاي كليلي"
الشيخة
"مادري اني العندي كلته بعد يمك شوف شلون
ادبرهه"
علي
"صار شيخه احاول بس ما اوعدج لان يكولون
نصهه مهزومه"
الشيخة
"معليه يومين اذا ما اجيت تعرف شسوي
وبعدين انته شلون تروح وتعوف مرتك وانتو
ماصارلكم يوم متزوجين"
علي
"شيخه قابل شعليهه خليهه يمج واني كتلج
يومين تلاثه تلكيني هنا"
الشيخة
"خوش لعد كمل ريوكك وكوم بسرعه لان
الطريق منا للبصره طويل صدك يمه رايح
بلقطار لو بلسياره"
علي
"ولله مادري شيخه يمكن قطار بس عمي ما
يكدر يصعد بي يخاف مادري شبي ما كال
اذا ما صعد راح ننجبر نروح سياره"
الشيخة
"الله يسهلك يمه وتوصل وترجعلي بلسلامه"
علي
"الله يسلمج حبيبتي يله اني شبعت واريد
اروح"
الشيخة
"يمه ماكلت زين"
علي
"لا هاهيه شيخه الحمدلله... مريم كومي جيبيلي
جنطتي امشي"
مريم
"صار شيخ"
مريم.. من نزلنه لكينه الكل كاعدين على الريوك
دخلنه اني وعلي صبحنه عليهم وبلشنه نتريك
وياهم شويه جان اسمع الشيخ يحجي جان
اباوع للشيخه انخرعت وكامت تحجي على الشيخ
وضلو يتحاجون والشيخ يحاول يقنعها وبلكوه
يله قنعهه حته كلتله عليه واني بكلبي كلت
يمعوده خلي يروح ليش مجلبه بي 😂اني بس
اريد اخلص منه وهمزين قنعهه وبعدين كال
يريد يروح وكالي اجيبله الجنطه اني ما جذبت
خبر رحت بسرعه جبتهه وجيت انطيتهه اله
لكيتهم بلباب حته بس انطيهيا يطلع جان يكول:
أنت تقرأ
تركوني ورحت فصليه 😞
General Fictionقصه تحجي عن بنيه تعيش مع اهلهه وجانو مدللينهه كلش وما يرفضولهه طلب بس شوفو شسوت بيهه الايام ... . تابعو اذا كنتو مهتمين تعرفون شنو راح يصير بيهه وملاحظه اني راح احجي بلهجتي العراقيه بيهه بقلمـيـﮯ آنيـﮯ: مـريـﮯمـ آل عدنآن 🥰🥰
